د پګړۍ تړلو د غونډی راپور:

د فراه په ولایت مرکزی عیدګاه کی د ۱۳۹۷ کال د حوت پر ۲۲ نیټه دچهار شنبې په ورځ د پګړۍ تړلو شانداره ستره غونډه جوړه سوه.
غونډه چی د بدرالعلوم، تجویدالقرآن، الازهر، اشرف العلوم، امام بخاری، مدینة العلوم او حضرت حفصه دینی مدارسو لخوا په ګډه نیول سوېوه د سحار په ۰۹:۰۰ بجوباندی د الحاج قاری سید محمدقاسم آغا لخوا د تلاوت په لوستلو باندی پیل سوه.
وروسته د دری او پښتو ژبو انانسرانومولوی عبداللطیف صاحب او حافظ مسلم صاحب په دعوت دیرئ علماء کرام وینا ته را وبلل سوه چی د هرات ولایت څخه مفتی محمد سرور صاحب او مولوی محمدعلی صاحب، د نیمروز ولایت څخه مولوی محمدحسین صاحب، مولوی ولی احمد صاحب او مولوی احمدالله صاحب او دکندهار ولایت څخه مولوی عبدالقیوم صاحب د غونډو ګډونوالو ته ګټوری علمی او معلوماتی ویناګانی وکړې وروسته د مولانا عبدالخالق صاحب لخوا د ټولو ګډونکونکو دینی په مدارسو په نماینده ګۍ د کوربه په صفت ټولو راغلو علماء کراموته ښه راغلاست او کور ودانئ وویل سو او د ټولو څخه مننه وسوه چی پدې شانداره غونډه کی یې شرکت کړئ وو.
په غونډه کی ترنم ته هم برخه ورکول سوېوه او په درې اوپښتو ژبو باندی دوې په زړه پوری او جذابی ترانې هم وویل سوې.
بیا ومولوی عبدالحی صاحب ته بلنه ورکړل سوه چی د غونډی د بیان او دعوت برخه په خپلی دعائیې باندی ختمه کړی.
د دعا وروسته د ګڼ شمیر مفتیانو، حافظانو اوقاریانو د فراغت پګړۍ د علماء کرامو لخوا پرسر ورکول سوې او د فراغت سندونه یې ورباندی وویشل سوه.
په غونډه کی د فراه مرکز، ولسوالیو او نورو ولایتونو څخه په ډیره پیمانه علماء کرامو او عامو خلګو ګډون کړئ وو او په ډیری اطمینانی او آرامی فضاء کی سرته ورسیدل، غونډه د محتوا له مخی پر ډیرو معنویاتو او خورا جذابیت باندی مشتمله وه چی ترټولو مهم یې د یووالی او اتفاق یپغام وو چی د یادو مدارسو لخوا دګډ محفل د نیولو څخه ښکاره کیدئ.
په غونډه کی د ګډون لپاره تعلیم الاسلام راډیو ته رسمی دعوت ورکول سوئ وو نوځکه یې ټوله جریان دتعلیم الاسلام راډیو فراه څانګی لخوا ثبت سوئ دئ چی پر مناسب او ټاکل سوی وخت به نشر ته وسپارل سی.