ماه صفر ماه نحوست و بدفالی نیست:

ترجمه: رسول الله صلی الله عليه وسلم فرمود: سرايت مريضيها نيست، جن گم كننده راه انسان نيست وبه ماه صفر بدفالي نيست.

از حديث فوق معلوم ميشود كه ماه صفر هيچگونه نحوست وبدفالی ندارد.

موارد فوق چيزهای هستند كه در زمان جاهليت مردم بر آنها باور داشتند ولی با آمدن اسلام باور كردن بر آنها مردود گرديد.

برای لفظ"عدوی" تفسيرهای زياد آمده است يكی از آنها سرایت مريضی يك شخص به شخص ديگر است، در اين حديث صراحتا بر چنين باوری رد شده است كه مريضی يك شخص به شخص ديگر سرايت كند، اما از احاديث ديگر چنين برداشت ميشود كه مريضی يك شخص به شخص ديگر سرايت ميكند، پس ظاهرا در بين احاديث تعارض مشاهده ميشود. 

در تطبيق اين دو حديث و رفع تعارض، اقوال مختلفی آمده است كه معتبرترين آنها اينست كه سرايت مريضی از يك مريض به مريض ديگر ارتباط به قضاء وفيصله خداوند عزوجل دارد، چنين نيست كه اگر كسی مريض ميشود حتما مريضی از كسی ديگری به او سرايت كرده است، اگر او نمی بود به اين شخص هم اين مريضی نمی آمد، اين سخن يقينی نيست، كه تماس با شخص مريض حتما سبب مريضی بشود.

عقيده مردم زمان جاهليت چنين بود، كه اگر كسی مريض می شد آنها باور داشتند كه اين مريضی حتما از فلان شخص به او سرايت كرده است، اگر او نمی بود اين شخص با اين مريضی گرفتار نمی شد. ولی رسول الله صلی الله عليه وسلم می فرمايد: چنين نيست، بلكه مريضی اين شخص به قضاء وفيصله خداوند عزوجل است چنانچه كسی ديگری را به اين مريضی مبتلا كرده بود اين شخص را هم مبتلا به اين مريضی كرده است. پس مسلمان بايد از هيچ مريض به اين خاطر تنفر نكند كه اگر با او در تماس شدم حتما به مريضی او مبتلاء ميشوم.

ولفظ "غول" به آن شيطان وجن تخيلی گفته ميشود كه مردم زمان جاهليت برآن باور داشتند، آنها به اين باور بودند كه در دشت يك شيطان ويا جنی وجود دارد كه راه را از انسان گم ميكند و يا هم انسان را می ترساند، ولی رسول الله صلی الله عليه وسلم اين را رد ميكند ومی فرمايد بنام غول هيچ چيزی وجود ندارد.

در تفسير"صفر" هم اقوال گوناگون آمده است اما مشهورترین قول اينست كه مراد از آن ماه صفر المظفر است.

مردم زمان جاهليت به ماه صفر المظفر بدفالی ميكردند، درين ماه به مسافرت نمی رفتند، در اين ماه عروسی وشيرينی خوريی نمی كردند، اين ماه را، ماه آفتها و بلاها ميدانستند و همچنين بعضی ديگری از عقايد فاسد كه درباره اين ماه داشتند.

ولی رسول الله صلی الله عليه وسلم اين عقيده آنها را رد می كند ومی فرمايد: كدام عقيده كه مردم درباره ماه صفر دارد هيچ حقيقت ندارد، در اين ماه سفر كردن هيچ مشكلي ندارد، در اين ماه عروسی كردن هيچ مشكلی ندارد، و همچنان اين ماه هيچ مصيبت وغم خاصی ندارد، ‌و نه هم كدام عبادت وطاعتی خاصی دارد.

اين ماه هم مانند يازده ماه ديگر يك ماه است كه سال از آنها تشكيل شده است، پس اين ماه را ماه مصيبت گفتن و يا هم با گذشتن اين ماه اظهار خوشحالی كردن و در آخر اين ماه مراسم خوشحالی را گرفتن كه اين ماه گذاشته شده است همه شان برای مسلمان جايز نيست وباكردنش گناهكار ميشود.

عَنْ جَابِرٍ قَالَ قَالَ رَسُولُ اللَّهِ -صلى الله عليه وسلم- « لاَ عَدْوَى وَلاَ غُولَ وَلاَ صَفَرَ ».[صحیح مسلم 5929]

مولوي نورالحق مظهري

د صفري په مياشتې باندې بد فالي مه کوئ!

د صفر په مياشت کې کوزده او واده کول هيڅ پروا نه لري.

رسول الله صلی الله عليه وسلم د خديجة بنت خويلد رضي الله عنها سره په همدې مياشت کې واده کړی دی.

همدا راز حضرت علي رضي الله عنه د فاطمې رضي الله عنها سره په همدې مياشتې کې واده کړی دی.

د صفر په مياشت کې سفر هيڅ پروا نه لري.

رسول الله صلی الله عليه وسلم په همدې مياشتي کې د مکې مکرمې څخه په هجرت ووتی او په ربيع الاول کې مدينې منورې ته ورسيدی.

د صفر په مياشتې کې د کفارو سره جنګ او جهاد کول هيڅ پروا نه لري.

رسول الله صلي الله عليه وسلم او اصحابو په دې مياشتي کې ډېر جنګونه کړيدي لکه:

1 - غزوة الأبواء. 

2 - د خيبر فتح. 

3 - غزوة ذي أمر.

4 - غزوة الروم.

مولوي نورالحق مظهري

د ځوانانو د انحراف بېلګې:(درېيمه برخه)

اخلاقي فساد:
د ځوانانو د انحراف بله بېلګه اخلاقي فساد دی؛ له بده مرغه چې په مجموع کې په اسلامي نړۍ کې زموږ ځيني ځوانان تر بل هر وخت اوس ډېر په اخلاقي فساد باندې اخته دي چې له امله يې په ټولنه کې فحشاء او بې حيايي خپلي لوړي کچي ته رسېدلې ده.

د يوې خوا څخه په ځوانانو کې د هوس ډېروالي او د بلي خوا څخه د کفارو او ګمراه انسانانو پلانونو او پروژو زموږ ځيني ځوانان د اصلي اخلاقي مسير څخه اړولي دي.

په ځوانانو کې د منفي ميني او عشق احساس، په کوڅو کې په نجونو پسې کتل، د ځينو ناروا لارو څخه د نجونو سره تماس او رابطه، په تلويزيونونو او ټليفونونو کې د مبتذلو فيلمونو، سريالونو او انځورونو کتل، په تالارونو، کافيشاپونو او اطاقونو کې ناروا بانډارونه جوړول او په ودونو کې د موسيقۍ مراسم نيول ټوله هغه شيان دي چې د اخلاقي انحراف په سبب زموږ په ټولنه کې په خاصه توګه په ځوانانو کې ليدل کيږي.

که چيري زموږ ځوانانو ځان په اسلامي اخلاقو سمبال کړی وای، ديني زده کړي يې پوره کړي وای او د هر ډول دښمن په وړاندي يې ځانونه د پوهي او ځيرکتيا په وسلې مسلح کړي وای هيڅ وخت به په داسي بربادوونکو شيانو باندي نه اخته کېدلای، ځکه د اسلامي اخلاقو او ديني زده کړو په ذريعه په انسان کې حياء او غيرت پيدا کيږي او چې د هر چا سره حياء او غيرت پيدا شي بيا هيڅکله يادو ناروا شيانو ته لاس نه اچوي ځکه مضمون د حدیث دی: چې کله حیاء درڅخه ولاړه بیا نو هر کار چې دي زړه غواړي کوه یې. یعني د هر انسان څخه چې حیاء ولاړه شي بیا نو هر کار چې یې مخي ته راسي کوي یې.

همداسي د اسلامي تعليماتو په رڼا کې ځيرکتيا د دې سبب جوړيږي چې انسان دې خپل هر بربادوونکی دښمن وپېژني او د هغه د هر منفي پلان په وړاندي دي چټکه مبارزه وکړي چې په نتيجه کې د هيڅ منفي تبليغ او ناروا پروژې ښکار نه ګرځي.

که زموږ ځوانان د خپلو ديني پوهانو، علماو، مساجدو او مدارسو سره نژدې رابطه ولري او په ځان کې ديني مقدسه روحيه او ايماني جذبه را ژوندې کړي زه سل په سلو کې ډاډه يم چې د هر ډول اخلاقي فساد څخه نه تنها دا چي نجات پيدا کوي بلکې د اخلاقي فساد پر ضد به تکړه مبارزين ورڅخه جوړيږي.
دوام لري...
مولوي نورالحق مظهري

ټلیفون، انټرنټ او ځوانان:

ګرانو ځوانانو! وخت، مطالعه او مثبت تفکر هغه مهم عناصر دي چې د هر انسان لپاره د علمي او فکري کمال کليانې بلل کيږي خو له بده مرغه چې اوس زموږ ډېری ځوانان د غټو ټليفونانو څخه دومره ډېره استفاده کوي چې خپل ارزښتناکه وخت يې هم ضائع کړی وي او د مطالعې او مثبت تفکر څخه يې هم ځان محروم کړی وي.

ګرانو ځوانانو! وخت ستاسي عمر دی چې هره لحظه يې تر طلا هم تاسې ته ډېر ارزښت لري بناءً د ټليفون په بې ځايه کتلو، ګېم کولو، د انټرنټ څخه په بې فايدې استفاده کولو او د واټساپ، فيسبوک او تلګرام په استعمالولو يې پر ځان عبث مه تېروئ؛ ټليفون او انټرنټ مجازي اسباب دي هيڅ وخت يې د سرګرمۍ او مصروفيت لپاره مه کاروئ بلکې په حقيقي نړۍ کې د خپل اصلي هدف لپاره ګټه ترې پورته کړئ.

 د تېر سوي وخت په ارزښت انسان هلته پوهيږي چې وخت ورڅخه تېر سي په داسي حال کې چې هلته بيا پښېمانتيا هيڅ ګټه نه لري او د لاسه څخه وتلي فرصتونه هيڅ کله بيرته نه راګرځي ځکه نو کوښښ وکړئ چې تل وخت د ځان لپاره غنيمت وبولی او سمه ګټه ورڅخه پورته کړئ.

د دې پر ځای چې ځانونه په ټليفون کې په ګېم، واټساپ، فيسبوک او انټرنټي لټون مصروف کوی ډېره به ښه وي چې يو ښه کتاب مطالعه کړی، خپل درسي کتابونه تکرار کړی، علمي مجالسو ته ورسی، د الله تعالی په ذکر ځان مصروف کړی، په يوه دنيوي حرفه ځان مشغول کړی او ليکنه وکړی يا يې ولولی.

په ټليفون او انټرنټ باندې ډېر مصروفيت نه تنها دا چې د انسان وخت ضائع کوي بلکې ډېر نور تاوانونه لري چې په لاندې ډول يې يادونه کولای سو:

۱ – په ټليفون او انټرنټ ډېر مصروفيت د انسان حافظه ضعيفه کوي او د حافظې تمرکز له منځه وړي.

۲ – په ټليفون او انټرنټ ډېر مصروفيت انسان ته داسي روحي تکليف پيدا کوي چې تل يې خوب خراب وي، وسوسه ورته پيدا کيږي، د خلق تنګۍ احساس کوي، د عبادت او کار په خوند نه پوهيږي او د ټليفون سره يې زړه داسي تړون پيدا کوي چې هيڅ وخت يې نه هېريږي.

۳ – د ټليفون او انټرنټ څخه ډېره استفاده د انسان اخلاقي زغم، د مطالعې استعداد، اجتماعي طبيعت، کاري ظرفيت او حوصله له منځه وړي.

۴ – د ټليفون او انټرنټ څخه ډېره استفاده د انسان اقتصاد ته هم لوی تاوان دی ځکه ټليفونونه به ډېر رانيسي او تبديلوي او د انټرنټ پر بنډلونو به پيسې ورکوي چې دا هم د انسان پر کورني ژوند ډېره بده اغېزه لري.

۵ – د ټليفون او انټرنټ څخه ډېره استفاده دـدې لامل جوړيږي چې تل دي د انسان سره د برق او برښنا غم وي ځکه د ټليفون چارج يې ژر ختميږي او چې کله يې د ټليفون چارج ختم سي طبعا پرېشاني ورته پيدا کيږي؛ ډېر خلک ما ليدلي دي چې د هر چا کور ته ولاړ سي تر هر شي مخکي چارجر را واخلي او د برق په ساکټ پسې ګرځي او ځيني خلک خو د ځانه سره چارجران، پاوربنکونه او غټ  غټ کېبلونه ګرځوي او دا يې د خپل ژوند مهمه برخه جوړه کړې وي.

۶ – د ټليفون او انټرنټ څخه ډېره استفاده انسان په يو ډول انزوايي فکر روږدی کوي چې تر هر څه يې د ټليفون سره مينه ډېره وي او د هيڅ مجلس څخه نه ګټه پورته کولای سي او نه هم د ده څخه څوک ګټه ليدلای سي ځکه دی تل په خپل ټليفون اخته وي.

۷ – د ټليفون او انټرنټ څخه ډېره استفاده د انسان فکر او سوچ دومره متلاشي او پاشلی کوي چې په خپل ورځني ژوند کې د پلان او طرحي څخه عاجز وي او د همدغه ټليفون او انټرنټ په خاطر په رسمي وظيفه کې ناغيړي ورڅخه کيږي.

نو ګرانو ځوانانو د ټليفون او انټرنټ څخه استفاده وکړئ خو لږ او سمه استفاده، خپل د ټليفون څخه MP3 ، MP4  او سينما مه جوړوئ چې ډول ډول غزلونه او فيلمونه مو پکې ذخيره کړي وي بلکې د خپل ټليفون څخه کتابتون جوړ کړئ او کتابونه پکې مطالعه کړئ، خپل ټليفون د ځان ملګری مه جوړوئ بلکې تر خپل لاس لاندې د استفادې يوه آله ورڅخه جوړه کړئ چې د اړتيا په صورت کې ګټه ورڅخه واخلی.

مولوي نورالحق مظهري

حالٌ سيئ جداً للمسلمين:

إن وضع المسلمين في غزة سيئ للغاية، فمن جهة يقوم الصهاينة الوحشيون يومياً بالقصف وإطلاق النار عليهم، ومن جهة أخرى يُعاني المسلمون هناك من الجوع إلى درجة أنهم لا يجدون لقمة خبز يابسة لعدة أيام؛ أما قادة الدول الإسلامية فما زالوا نائمين في غفلة (نسأل الله أن يُنيمهم نومة الموت) ولا يستطيعون – بسبب مصالحهم السياسية البائسة – أن يضغطوا على إسرائيل للسماح بإدخال المساعدات إلى غزة، أما حكومتا مصر والأردن، اللتان تُنسبان نفسيهما إلى الإسلام، فقد أغلقتا حدودهما في وجه عامة المسلمين، كي لا يتمكن أحد من إيصال المساعدة إلى مسلمي غزة وكسر الحصار المفروض عليهم بسبب الجوع.

أيها الإخوة والأخوات المسلمون في غزة!
نحن المسلمون قد قصرنا في نصرتكم، فنسأل الله تعالى أن يُمدكم بعونه ونصره من الغيب.

مولوي نور الحق مظهري

د مسلمانانو لپاره ډېر بد حالت:

په غزه کې د مسلمانانو وضعيت ډېر خراب دی، له یوې خوا وحشي اسرائيليان هره ورځ بمبارۍ او ډزي ورباندي کوي له بلي خوا د لوږي څخه دومره مسلمانان په عذاب دي چې په ورځو ورځو د خوړلو لپاره يوه ګوله وچه ډوډۍ نه سي پيدا کولای؛ د اسلامي هيوادونو مشران لا هم د غفلت په خوب ويده دي(الله تعالی دي دوی د مرګ په خوب ويده کړي) او د خپلو بدبختانه سياسي ملحوظاتو له امله پر اسرائيلو فشار نه شي راوستلای چې غزې ته د مرستو داخلېدلو اجازه ورکړي، د مصر او اردن هيوادونو حکومتونه چې ځانونه مسلمانان بولي خپلي پولي يې د عامو مسلمانانو پر مخ تړلي تر څو هيڅوک د غزې مسلمانانو ته مرسته يو نه سي او د لوږي حصار مات نه کړي.
د غزې مسلمانو وړونو او خويندو! موږ مسلمانان مو د مړستي کولو څخه پاتي راغلي يو الله تعالی مو د غيب څخه مرسته او کومک وکړه.
مولوي نورالحق مظهري

قدرمنو ځوانانو ته:

قدرمنو ځوانانو! د انټرنټ او غټو ټليفونانو څخه استفاده وکړئ خو د ځان لپاره يې مصروفيت او دنده مه جوړوئ؛ په دې معنی سره چې په علمي او معلوماتي ډګر کې ګټه ورڅخه پورته کړئ، د خپل ټليفون څخه کتابتون جوړ کړئ او په ليکلو او مثبتو روابطو کې استفاده ورڅخه وکړئ خو د ځان لپاره يې دنده او سرګرمي مه جوړوئ ځکه چې په بې ځايه مصروفيت دـدې تر څنګ چې د انسان قيمتي وخت تېريږي او ګناهکاره کيږي د ژوند په ګڼو برخو کې انسان ډېر فرصتونه له لاسه ورکوي او علمي استعداد يې ورسره ټيټ کيږي.

د انسان پر مغز او اخلاقو د غټو ټليفونانو او انټرنټ منفي اغيزي په تحقيق او تجربه ثابتي سوي دي ځکه نو ډېر احتياط ورسره وکړئ او ځانونه ورسره مه روږدي کوئ.

ټليفون او انټرنټ هم د نورو اسبابو غوندي سببونه دي چې هم ښه استفاده ورڅخه کېدلای سي او هم بده استفاده نو که موږ په منظم ډول مرتبه ښه استفاده ورڅخه وکړو يقينا چې د ګناه څخه به مو ځانونه ساتلي وي او ممکن په ځينو ځايونو کې الله تعالی ثواب هم راته راکړي او که مو بده استفاده ورڅخه وکړه بيا نو يقينا چې ګناه مو کړې او الله تعالی به حساب راسره کوي.

په ټليفون او انټرنټ باندې د ښې او مباحي استفادې ځيني بېلګې:

۱ – په ټليفون کې کتابونه او کتابتونونه ذخيره کول او استفاده ورڅخه کول.

۲ – په ټليفون باندې اسلامي مقالې او مطالب ليکل او د نورو مسلمانانو سره د اصلاح په نيت شريکول.

۳ – په ټيلفون باندې علمي او اصلاحي مجالس او ويناوي ريکارډول او د نورو مسلمانانو سره يې شريکول.

۴ – په ټليفون باندې د خپلوانو، ملګرو او دوستانو سره مثبتي او ښې اړيکي نيول.

۵ – په انټرنټ کې د اسلامي نشراتو لپاره ويب پاڼي، پاڼي، ګروپونه او چينلونه جوړول او مسلمانانو ته پکې عقيدوي، فکري، عملي، اخلاقي او سياسي مثبت معلومات د اصلاح او سمون په نيت خپرول.

۶ – په انټرنټ کې علمي او معلوماتي لټون او د ښو کتابونو، مقالو او معلوماتو راټولول.

۷ – د انټرنټ له لاري د ږغ، ليکلو او ويډيو په بڼه درسونه ورکول يا درسونه لوستل.

۸ – د انټرنټ له لاري په علمي، معلوماتي او ښوونيزو ورکشاپونو او سيمينارونو کې ګډون کول.

۹ – د انټرنټ له لاري د اړتيا سره سم د ورځنيو سيمه ايزو يا نړيوالو خبرونو اورېدل او تعقيبول.

۱۰ – د انټرنټ له لاري خپل حلال تجارت ته مارکيټينګ يا بازار موندنه.

مولوي نورالحق مظهري

سرټمبه ملامت:

هغه څوک چې پر تا باندې کوم منفي انتقاد کوي او ستا د ملامتيا لپاره اتهامات لګوي کله چې ته ورسره مخامخ سې او د ده د سر خلاصېدلو لپاره دلائل وايې خو دی په ښکاره باندې د ملامتيا وروسته برګ برګ درته ګوري او ستا خبري ورته يو ډول درواغ معلوميږي او د دې کوښښ کوي چې ته ژر خبري پسې پرېږدې او د ده د مجلس څخه ولاړ سې نو په دې باندې پوه سه چې هغه سړی سرټمبه ملامت دی.

سرټمبه ملامت په خوله باندې تا ته هيڅ نه وايي خو په زړه کي ډېر بد درڅخه وړي.

سرټمبه ملامت ستا لپاره عزت او آبرو نه غواړي بلکې د دې پر عکس ستا د بې عزتۍ کوښښ کوي.

سرټمبه ملامت ستا په اړه د هر ليوني او بې عقل خبره مني خو ستا خبره بيا د هيچا په اړه نه مني.

د سرټمبه ملامت سره چې هر وخت مخامخ کيږې د ده په مخ کې يو ډول د قهر او خښم آثار ښکاره کيږي او يا هم په ډېر تکلف سره د منافقانه خوشحالۍ تظاهر کوي.

يا الله د سرټمبه ملامت د شر څخه مو وساتې!

د ځوانانو د انحراف بېلګې:(دويمه برخه)

وخت په عبثو کارونو کې تېرول:
د ځوانانو د انحراف دويمه بېلګه دا ده چې نن ډېری ځوانان خپل ارزښتناکه وخت په بېهوده او بې فايدې کارونو کې تېروي لکه عبث مجلسونه او بانډارونه، په ټلفون او کامپيوټر کې ګيمونه او د انټرنټ او ټولنيزو شبکو څخه ناوړه او يا عبثه استفاده کول په داسي حال کې چې وخت د انسان عمر دی په تېرولو کې يې بايد ډېر دقت وکړي او د وخت هره شيبه د ځان لپاره د الله پاک لخوا ځانګړی رحمت او غنيمت وبولي. په حديث کې راځي: د قيامت په ورځ هيڅ انسان تر هغه وخت پوري حرکت نه سي کولای تر څو چې الله پاک د پنځو شيانو پوښتنه ورڅخه ونکړي چې يو سوال د انسان د عمر په اړه کيږي چې په دنيا کې يې څنګه تېرکړی؟ او بل سوال د انسان د ځوانۍ په اړه کيږي چې په دنيا کې يې په څه شي کې مصرف کړې؟.

عَنِ ابْنِ مَسْعُودٍ عَنِ النَّبِىِّ -صلى الله عليه وسلم- قَالَ: لاَ تَزُولُ قَدَمَا ابْنِ آدَمَ يَوْمَ الْقِيَامَةِ مِنْ عِنْدِ رَبِّهِ حَتَّى يُسْأَلَ عَنْ خَمْسٍ عَنْ عُمْرِهِ فِيمَا أَفْنَاهُ وَعَنْ شَبَابِهِ فِيمَا أَبْلاَهُ وَمَالِهِ مِنْ أَيْنَ اكْتَسَبَهُ وَفِيمَ أَنْفَقَهُ وَمَاذَا عَمِلَ فِيمَا عَلِمَ.[سنن ترمذي 2601]
ژباړه: عبدالله ابن مسعود رضي الله عنه فرمايي: رسول الله صلی الله عليه وسلم وفرمايل: د بني آدم پښې د قيامت په ورځ د خپل ځای څخه نه ښوري تر څو چې د پنځو شيانو پوښتنه ورڅخه و نه سي: د عمر پوښتنه چې په څه شي کې يې تېر کړی، د ځوانۍ پوښتنه چې په څه شي کې يې مصرف کړې، د مال پوښتنه چې د کوم ځای څخه يې لاسته راوړی او په څشي کې يې لګولی، او په خپل علم يې کوم عمل کړی. نو زموږ ځوانان باید د خپل وخت تېرولو ته ډېر متوجه وسي او په هیڅ بې فایدې کارونو کې یې تېر نکړي.

د دې لپاره چي پر ځوانانو وخت عبث او بې فايدې تېر نه سي لومړی بايد د فرائضو، واجباتو او سنتونو سر ته رسولو ته پوره پاملرنه وکړي، هر عمل په خپله مرتبه او وخت باندي سر ته ورسوي بيا د خپلي کورنۍ او خپلوانو د حقوقو آداء کولو ته ژمن وسي او د ميرمني، خاوند، اولادونو، والدينو او نورو قريبانو چې کوم حقوق ورباندې وي هغه په پوره توګه آداء کړي.

همداسي ځان په تعليم او تعلم باندې مصروف وساتي کوم شيان چې الله پاک دوی ته ور زده کړيوي تر نورو پوري يې ورسوي او کوم شيان چې الله پاک نورو ته ورکړيوي د هغوی څخه يې زده کړي تر څو ځان هم وژغوري او نورو ته هم د ژغورلو لارښوونه وکړي.

کوم کارونه چي الله پاک د انسان د مرتبې د لوړولو لپاره د فضائلو، آدابو او مستحباتو په صفت مشروع کړيوي د فراغت په وخت کې هغو ته هم پاملرنه وکړي لکه نفلي لمونځونه او روژې، د قرآن تلاوت، نفلي صدقات، د علم او مذاکرې مجالسو ته ورتلل، د نورو مسلمانانو سره د ژوند په چارو کې مرسته کول او داسي نور....
او زموږ په زمانه کې تر ټولو ډېر مهم کار دا دی چې د دين او تقوی لپاره دعوت وچلوو، لومړی ځانونه د متقينو مصداق جوړ کړو بيا نورو ته د تقوی لپاره بلنه ورکړو او د امر بالمعروف او نهي عن المنکر ستره وجيبه او لويه وظيفه په پوره ايماندارۍ سرته ورسوو.
كوم خلګ چي عملا د دین په خدمت او ساتنه باندي بوخت وي د هغوی سره هر اړخیزه مرسته وکړو.

که موږ د خپل دنيا او آخرت ژوند ته پوره ژمن وسو او د دواړو د تأمين لپاره ځان د بې کارۍ څخه وساتو نو یقينا چي موږ د وخت څخه سمه ګټه پورته کړې او ځان مو د هغو انسانانو څخه ګرځولی دی چي الله تعالی ورسره ډېره مينه لري.

تېر سوی وخت بيا نه را ګرځي که اوس وخت غنيمت و نه شميرو او سمه ګټه ورڅخه پورته نکړو وروسته پښېمانتيا راته هيڅه ګټه نه لري.
ليکوال: مولوي نورالحق مظهري

ځيني تجربیات او حدسیات:

۱ - د هوښيار خبره چې هر څومره کوچنۍ وي بيا هم مهمه ده.
۲ - د مسلمان لپاره تکبر چې هر څومره لږ وي بيا هم بد دی.
۳ - د عالم لپاره تنګ نظري چې هر څومره کوچنۍ وي بيا هم نيمګړتيا ده.
۴ - د ډاکټر لپاره بې غوري چې هر څومره کوچنۍ وي بيا هم جرم دی.
۵ - د مفتي لپاره بې باکي چې هر څومره کوچنۍ وي بيا هم ناپوهي ده.
۶ - د تجار لپاره بخيلي چې هر څومره لږ وي بيا هم ناشکري ده.
۷ - د طالب العلم لپاره ايله سري چې هر څومره لږ وي بيا هم تاواني ده.
۸ - د رئيس او مشر لپاره غفلت چې هر څومره لږ وي بيا هم ضعف د مديريت دی.
۹ - د ټليفون سره چې هر څومره احتياط وشي بيا هم مزاحم او د وخت اشغال کوونکی دی.
۱۰ - د بدعت لپاره چې هر څومره دلائل وتوږل شي بيا هم حرام دی.
۱۱ - د ديموکراسۍ لپاره چې هر څومره اړتياوي په ګوته شي بيا هم کفري قانون دی.
۱۲ - حاسد ته چې هر څومره ځان سپين کړې بيا هم د شک په سترګه درته ګوري.
۱۳ - مبتذلي رسنۍ چې هر څومره کنټرول کړې بيا هم خپل کار کوي.
۱۴ - خلقي، پرچمي او شعله اي چې هر څومره عبادت وکړي بيا هم د دين غمخور نه شي جوړېدلای.
۱۵ – بدعتي انسان چې هر څومره د بدعت څخه توبه وباسي بيا هم د بدعت سره رابطه نه قطعه کوي.
۱۶ – سرټمبه انسان ته چې څومره دلائل ووايې بيا هم دی خپله سرټمبګي کوي.
۱۷ – درواغجن انسان حافظه نه لري او کم عقل تجربه نه لري.
۱۸ – جامد فکر والا انسان چې هر څومره جهانګرده شي بيا هم هر شی پر خپل فکر جوړوي.
۱۹ – پوهه چې هر څومره لږ وي بيا هم تر ناپوهۍ ښه ده.
۲۰ – انډيوالي چې څومره صميمي وي خو چې همفکري نه وي پکې ارومرو يو وخت پرې کيږي.
مولوي نورالحق مظهري

داسي ښکاري چې هيواد مو د پرمختګ پر لور روان دی:

د افغانستان ملي پراختيار شرکت لخوا د نويو موټرانو او سامانونو جوړول د دې زېری ورکوي چې هيواد مو د ځان بسياينې او خودکفايۍ لوري ته روان دی او د دې هيله شته چې د دې وروسته بلکې د نورو هيوادونو د اړتيا او محتاجۍ څخه خلاص شو او پر خپلو پښو ودريږو.

که سړی شرايطو ته وګوري او حالاتو ته په ځيرکتيا سره پام وکړي دا به ورته ثابته شي چې افغانستان د پخوا په پرتله ډېر پرمختګ کړی؛ بلکې د پرمختګ کولو لپاره په نظام کې هم روحيه شته او هم غور ځکه په داسي حالت کې چې د هيواد پيسې لا هم کنګل دي، بېله روس هيواده بل هيڅ هيواد تر اوسه نظام په رسميت نه دی پېژندلی، په هره برخه کې تجارتي او بانکي ستونزي شتون لري او له بلي خوا د ګاونډويو هيوادونو څخه کډوال په جوپو جوپو را روان دي داسي لاس ته راوړني او پرمختګونه هغه څه دي چې موږ يې بايد د هيواد په تاريخ کې بې مثاله ترقي وبولو او د خپل هيواد راتلونکې ته د خوشبينۍ تر څنګ د نظام سره څنګ پر څنګ ودريږو تر څو لاس ته راغلي پرمختګونه خوندي شي او په آينده کې نورو مثبتو کامونو ته پوره لاره آواره شي چې د داسي همت او غيرت په کولو سره به الله تعالی هم راڅخه خوشحاله شي او خپل ايماني، وجداني او وطني مسئوليت به مو هم سر ته رسولی وي.
مولوي نورالحق مظهري
زموږ تلګرام

د بدعتي انسان خبرو ته د غوږ نيولو تاوان:

ژباړه: محمد بن نضر وايي: څوک چې بدعتي انسان ته غوږ ونيسي نو د الله تعالی ساتنه د هغه څخه پورته کيږي او ځان ته سپارل کيږي.

يعني څوک چې د بدعتي انسان خبرو ته غوږ ونيسي هغه انسان ته به الله تعالی دومره په قهر سي چې خپل نصرت او ساتنه به ورڅخه پورته کړي او دی به خپل سر ته ايله کړي چې بيا به الله تعالی د هغه مرسته هم نه کوي او پر نېکيو به توفيق هم نه ورکوي.

د يادوني وړ ده چې بدعتي انسان د خپلو خرافاتو او بدعاتو د ترويج لپاره او د دې لپاره چې خلک دوکه کړي په خبرو کې يا پر مړه شوو انسانانو حواله ورکوي، يا پر حاکمانو حواله ورکوي، يا د حاکمانو چاپلوسي او تملق کوي او يا هم پر داسي کتاب حواله ورکوي چې هغه نه پيدا کيږي.

سَمِعْتُ مُحَمَّدَ بْنَ النَّضْرِ الْحَارِثِيَّ يَقُولُ: مَنْ أَصْغَى بِسَمْعِهِ إِلَى صَاحِبِ بِدْعَةٍ؛ نُزِعَتْ مِنْهُ الْعِصْمَةُ، وَوُكِلَ  إِلَى نَفْسِهِ.[المجالسة وجواهرالعلم335]
مولوي نورالحق مظهري