په جهان کې د نظامونو تر منځ هميشه اړیکي پر رسمي پېژندلو ولاړي وي، د کومو هيوادونو تر منځ چې سیاسي رسميت وي د هغوی تر منځ اړیکي هم پراخي او هراړخيزي وي او چې رسميت نه وي هلته بيا اړیکي هم محدودي او مقيدي وي.
د روسيې هيواد لخوا د اسلامي امارت په رسميت پېژندل يو ستر سياسي بريالیتوب دی، الله تعالی دي وکړي چې زموږ هيواد ته ګټور تمام شي او د بشري اصولو او انساني ضوابطو پر اساس دواړه هيوادونه د يو بل سره ښه تعامل او تودې اړيکي وپالي.
د روسيې دا اقدام نورو هيوادونه ته دا پيغام ورکوي چې که نړيوال غواړي په افغانستان کې خپلي مشروعي ګټي خوندي کړي يا د افغانانو سره بشري خواخوږي وپالي نو يواځي يو غوراوی لري چې هغه د اسلامي امارت په رسميت پېژندل دي.
غوره خبره خو دا وه چې د رسميت پيل اسلامي هيوادونو بيا ګاونډي هيوادونو کړی وای خو اوس چې روسيې دغه غيرت وکړ هيله مند يو چې نور هغه هيوادونه چې ځانونه خپلواک بولي د روسيې پر پلونو پښې کښيږدي او داسي غيرتي اقدام وکړي.
د هيوادونو لپاره د افغانستان اسلامي امارت په رسميت پېژندل يوه آزموينه ده چې د دوی خپلواکي او استقلال په ډاګه کوي او انساني اصولو ته د دوی پر پابندۍ دلالت کوي.
مولوي نورالحق مظهري
هیچ نظری موجود نیست:
ارسال یک نظر