ژباړه:ابوبکر رضي الله عنه فرمايلي دي: د الله په نزد تر ټولو غوره انسان هغه څوک دی چي حق په ده باندي عزتمند سي، رښتيار ورڅخه خپاره سي او دده په رأيه درځ وتړل سي.
يعني الله تعالی ته تر ټولو انسانانو غوره انسان هغه څوک دی چي دده په واسطه حق دروند او عزتمند سي يعني د حق لپاره کار وکړي او دده څخه رښتيا نشر سي؛ په دې معنی سره چي دی په رښتيا ويلو او رښتينولۍ مشهور سي او همداسي دده په واسطه د خلګو تر مينځ درځونه، دښمنۍ او نفرتونه ختم سي.
نو کوښښ وکړئ چي تل د حق پلوي وکړئ او د باطل څخه ځان وساتئ، د درواغو څخه ډډه وکړئ او رښتيا ويل د ځان عادت جوړ کړئ او د خلګو تر مينځ د سولي او خواخوږۍ لپاره کار وکړئ تر څو د الله تعالی په نزد غوره انسان سی.
قال أبو بكر بن أبي قحافة رضي الله عنه: أفضل الناس عند الله من عز به الحق، وانتشر عنه الصدق، ورتق برأيه الفتق.[البصائر والذخائر ج1ص55]
مولوي نورالحق مظهري
هیچ نظری موجود نیست:
ارسال یک نظر