ژباړه: د عبدالله بن عباس رضي الله عنه څخه روايت دی چي رسول الله صلی الله عليه وسلم وفرمايل: څوک چي د خپل ورور کتاب ته د هغه بېله اجازې ګوري نو داسي مثال لري لکه دی چي په اور کي ګوري.
محدثينو ددې حديث په تشريح کي ليکلي: ددې حديث هدف دادی چي د بل چا کتاب ته د هغه بېله اجازې په کتلو سره کتونکی داسي کار کوي چي ممکن پدې کار باندي دی اور ته ولويږي ځکه شايد هغه نفر په کتاب کي اسرار او رازونه ليکلي وي او نه غواړي بل څوک په خبر کړي نو له همدې امله د هغه بېله اجازي پر کتلو باندي يې داسي عذاب مرتب سوی دی.
که زموږ په زمانه کي ټليفون هم پر کتاب باندي قياس کړو نو داسي ويلای سو چي موږ بايد د يو بل ټليفون ته د خاوند بېله اجازې و نه ګورو چي خدای مکړه تر دغه عذاب لاندي داخل نسو ځکه ډېری خلګ چي کله خپل ټلیفون ګوري زړه یې نه غواړي بل څوک یې ورسره وګوري.
عن ابن عباس أن النبي صلى الله عليه وسلم قال:من نظر في كتاب أخيه بغير إذنه فكأنما ينظر في النار.[مسند الشهاب444]
مولوي نورالحق مظهري
هیچ نظری موجود نیست:
ارسال یک نظر