دا ستا د فرهنګي مبارزې نتيجه وه چي ټولي نړۍ ته دي په تبليغاتي ډګر کي شکست ورکړ او په ډېرو لږو امکاناتو دي د مسلمانانو او مجاهدينو آواز او بريا د ټولو نړيوالو تر غوږونو پوري ورسول.
کفارو د تبليغاتي جګړې لپاره ډېر لګښتونه وکړه او ډېر پلانونه يې عملي کړه خو په فرهنګي مبارزه کي ستا تعهد، استقامت او اخلاص دوی ته داسي ماته ورکړه چي دوی هم اوس ځان ته حيران دي.
فرهنګي مبارزه! دا ستا د مبارزې برکت وو چي د جهاد ږغ او برياليتوبونه به په ډېر لږ وخت کي رسنيز سوه، د دښمن تبليغاتي ماشين د ډېرو امکاناتو سره سره ستا د مخلصانه هڅو په نتيجه کي د پښو لوېدلی وو او ستا وړوکي مبارزې د دښمن ټول خبري سرويسونه فلج کړيوه.
مبارزه وروره! دا ته وې چي د فزيکي او جنګيالي مجاهد څخه دي دفاع کول، د هغه څخه دي تورونه او تهمتونه ليري کول، د ټولو منحرفو انسانانو سره دي فرهنګي مبارزه کول او د جهاد د سپېڅلتيا په ثبوت باندي دي ولسونه د جهاد صف ته جذبول.
او مبارزه وروره! دا ته وې چي د سلهاوو مبتذلو او غلامو ګڼو رسنيو تبليغات دي شنډول او حقائق دي د خلګو تر غوږونو رسول.
په خپلي مبارزې کي چټک وسه مخکي چي دي د اسلامي نظام د راتګ لپاره مبارزه کول اوس يې د نظام د سمبالښت، بقاء او دفاع لپاره وکړه.
مبارزه وروره! ستا د مبارزې څخه هغه څوک انکار کوي چي د انساني شعور د نه شتون له کبله په فکري انحراف باندي اخته وي.
مولوي نورالحق مظهري
د ديني علومو مدرس، څېړونکی او آزاد ليکوال
هیچ نظری موجود نیست:
ارسال یک نظر