په 1890 ميلادي کال يو فرانسوي ډرامه ليکونکي د محمد په نامه ډرامه وليکل هغه يې فرانسوي فيلم جوړوونکو ته ورکړه چي فيلم ورڅخه جوړ کړي او نندارې ته يې وړاندي کړي.
دا فيلم چي د رسول الله صلي الله عليه وسلم په سپکاوي کي جوړ سوی وو د فرانسې د حکومت په خوښه نندارې ته وړاندي کېدی او د رسول الله صلي الله عليه وسلم سپکاوي پکښې کېدی.
خو کله چي د عثماني خلافت خليفه سلطان عبدالحميد رحمه الله خبريږي په ډېري چټکۍ سره ددې فيلم د نشرېدلو مخه نيسي او د فرانسې د حکومت څخه په ډېره تنده لهجه ددې کار د مخنيوي غوښتنه کوي، د فرانسې حکومت ته چي د سلطان عبدالحميد خبره رسېږي سمدستي نندارې ته ددې فيلم د وړاندي کولو مخه نيسي.
د فيلم جوړوونکی کوښښ کوي چي په امريکا کي خپل فيلم په ننداره کښېږدي خو سلطان عبدالحميد رحمه الله يې هلته هم نه پرېږدي او د فيلم نشرولو مخه يې نيسي.
نن که مسلمانانو ستر اسلامي خلافت درلودلای په سويډن کي به د قرآن سپکاوی نه کېدلای او د ټولو مسلمانانو په مخ کي به يې قرآن ته اور نه اچولای.
تر څو مسلمانان سره يو موټی نسي او په خپلو هيوادونو کي د اسلامي امارت غوندي اسلامي نظام حاکم نکړي تر هغو به د اسلامي هيوادونو حاکمان پر دين او قرآن باندي غيرت ونکړي.
درنو هيوادوالو! د الله تعالی شکر آداء کړئ چي زموږ په هيواد کي خو يې اسلامي نظام حاکم کړی دی، الله تعالی ته ددې اميد لرو چي زموږ همدغه نظام به يو وخت راته نړيوال کړي او د تېرو اسلامي خلافتونو په څېر به د نړۍ په هر کونج کي د مسلمانانو دفاع وکړي.
که غواړو خپل اسلامي نظام ته د خپل هيواد تر څنګ د نورو مسلمانانو د ساتني ظرفيت ورکړو بايد د خپل نظام تر شا ودريږو او په هره برخه کي يې پوره ملتيا وکړو.
همداسي د الله تعالی څخه هم په دعا باندي وغواړو چي زموږ نظام راته وساتي او د نړۍ د ټولو مسلمانانو غاور یې جوړ کړي.
و ما ذالک علی الله بعزیز.
د تايخي قيصې منبع: ترک پرس ویب پاڼه
مولوي نورالحق مظهري
هیچ نظری موجود نیست:
ارسال یک نظر