د اسد ۲۴ د امريکايي اشغال څخه د هيواد د خپلواکي ورځ دې ټولو افغانانو ته مبارک وي.
په دې ورځ د انګليس او روس غوندي امريکايانو هم په ګران هيواد افغانستان کې ماتي وخوړله او د ټولو باورونو خلاف غربي بلاک د خپلو ټولو پلويانو سره په تاريخي شرمونو وشرمېدی.
د اسد ۲۴ د خپلواکۍ لاس ته راوړل په هيواد کې د شل کلني مبارزې د شهيدانو د شهادت، د مجاهدينو د قربانۍ، د فکري او فرهنګي مبارزينو د مبارزې او د افغان ولس د زغم او حوصلې ثمره او نتيجه ده.
الله تعالی دې موږ ته توفيق راکړي چې د الله تعالی شکر آداء کړو، د خپلو مجاهدينو او مبارزينو څخه مننه وکړو او د مسلمان ولس قدر وکړو؛ په دې بايد ځانونه پوه کړو چې حاکم نظام د الله تعالی ستر نعمت او احسان دی موږ يې بايد په ارزښت ځانونه پوه کړو او تل يې د سمبالښت و بقاء لپاره د مسئولينو سره په ګډه کار وکړو.
هوکې؛ د امريکايي اشغال په وړاندي د افغانانو يووالي او اتحاد د مجاهدينو د بريا سره ډېره مرسته وکړه، اوس چې الله تعالی ښه مقتدر او مهربانه نظام راکړی ټول افغانان بايد په پوره اتفاق او يووالي د نظام سره په همږغۍ د هيواد د جوړولو لپاره کار وکړو او ځانونه په هره برخه کې خودکفا کړو.
مولوي نورالحق مظهري
هیچ نظری موجود نیست:
ارسال یک نظر