ددې تر څنګ چي روژه د انسان ظاهري روغتيا ته ګټه لري د انسان لپاره د ګناهونو څخه پاک کوونکې مياشت هم ده ځکه نو بايد په روژه باندي د انسان ايمان قوي سي، اخلاق يې برابر سي او د نيکو کارونو سره يې علاقه مندي ډېره سي.
که د روژې مياشتي د تېرېدلو وروسته په کوم انسان کي د عبادت سره مينه موجوده وه، پر جماعت او نورو عبادتونو يې پابندي کوله، د خپلوانو سره يې صله رحمي ټينګوله، د مور او پلار سره يې پوره نيکي کوله، د صدقاتو او نفلي عباداتو سره يې مينه درلودله، د ځان او نورو مسلمانانو تزکيه يې کوله، همداسي د حرام خوړلو، حرام ويلو، حرام کتلو، حرام اورېدلو او حرام کولو څخه يې د ځان ساتنه کوله يقينا چي په دغه انسان کي روژې پوره تأثير کړی او روژه يې الله تعالی ورڅخه قبوله کړېده.
د روژې مياشت د حمام کولو حيثيت لري لکه په حمام کولو باندي چي انسان د ظاهري چټليو او بديويۍ څخه ساتل کيږي په روژه باندي هم انسان د ګناه د چټليو څخه ساتل کيږي او په هره برخه کي تهذيب او تزکيه د انسان په برخه کيږي.
خلاصه دا چي که لاندي موارد په انسان کي موجود وه نو یقينا چي روژې پر ده باندي ښه تأثير کړی دی:
۱ ـ د عباداتو سره مينه.
۲ ـ د حقوق الله او حقوق العباد پوره آداء کولو ته ژمنتيا.
۳ ـ د ټولو حرامو او ناروا شيانو څخه د ځان ساتنه.
۴ ـ د باطل او هر ډول فساد څخه په زړه کي نفرت او کرکه.
۵ ـ په روژه کي پرېښودل سوو ګناهونو ته د تل لپاره نه را ګرځېدل.
۶ ـ په نيکو اخلاقو ښايسته کېدل او د بدو اخلاقو څخه پاک کېدل.
مولوي نورالحق مظهري
هیچ نظری موجود نیست:
ارسال یک نظر