دیوې وړوکی رسالې پیژندنه:

دغه وړوکی او کوچنی رساله چی دفکری جګړې په اړه لیکل سویده پر لاندی عناوینو باندی مشتمله ده:
√ـ دفکری جګړې تعریف.
√ـ د فکری جګړې لاملونه.
√ـ د فکری جګړې ډولونه.
√ـ د تنصیر او تبشیر په اړه د قرآن صراحت.
ډانلوډ یې کړئ او خپل معلومات ورباندی زیاد کړئ.
د ډانلوډ لپاره دغه ځای کلیک کړئ!

الحمدلله د ۲۲ ورځو ناروغۍ وروسته می بیرته خپل ټول کارونه رسماً پیل کړه.

الحمدلله د ۲۲ ورځو ناروغۍ وروسته می بیرته خپل ټول کارونه رسماً پیل کړه.
د یادونی وړده چی د روان کال سرطان پر ۷ باندی دفراه څخه هرات ته روان وم چی موټر می دماین په کنده کی ولوېدئ او چپه سو.
د الله پاک فضل وو دپیښې څخه ژوندئ را ووتلم خو په چپه بغل کی می دکوټل کیدلو برسیره دوې پوښتۍ ماتی سوې چی د تداوۍ لپاره می دوې شپې په شفاخانه او نوری په خپل کور کی تیری کړی چی دادئ پرون شنبه ۳۰/۴/۱۳۹۷ می د ناروغۍ بستر ټول کئ او رسماً می خپلی ټولی دندی پیل کړی.
د رب العالمین څخه ډیر راضی یم او شکر یې آداء کوم چی صحت یې راکړئ الله پاک دی د ټولو مسلمانانو ناروغانو ته شفاء ورکړی.
او دټولو هغو ملګرو څخه منندوی یم او بخښه ځینی غواړم چی پدې وخت کی یې زما سره مرسته کړې او زما خدمت یې کړئ دئ الله پاک دی ددوی ټول شرعی مرادونه ور پوره کړی.
او دالله جل جلاله څخه د ټولو هغو ملګرو، دوستانو او ځپلوانو لپاره عظیم اجر غواړم چی پدې وخت کی زما اعادې او پوښتنی ته راغلی دی.

ای امیرالمؤمنینه!

وړانـدوینه دی رښتیا ســوه ای امیــرالمؤمنینه
یقینـــی خبــــره ستا ســـوه ای امیــرالمؤمنینه

استکبار پــر ړنګیـدو دئ لنډغـر پـرختمیدو دی
منافق خلګ رســوا ســـوه ای امیـــــرالمؤمنینه

مطابق دی دوینا غرونه مو جوړ سوه طوفانونه
تندریــــزه مــو صحــرا سـوه ای امیر المؤمنینه

هــره لار اغزئ اغــزئ سوه هره کنده نغـرئ سو
پــر پـــردو شَـــوه بلا ســـوه ای امیـــرالمؤمنینه

مظهری دی کرامت ته غبرګ لاسونه په سلام یم
پــــوره وړې نــــړۍ ستا ســــوه امیـر المؤمنینه

رضی الله عن الخلفاء الراشدین

د مدارسو، لیسو، مساجدواوکلینیکونو بمبارول دڅه لپاره؟

دڅه مدې راپدې خوا موږ ددې شاهدان یو چی په هیواد کی یرغلګرو امریکایانو پر مدارسو ، لیسو ، مساجدو اوکلینیکونو باندی بمبارونه وکړل چی تنها په فراه ولایت کی یې یوه دینی مدرسه اوښونځئ ، یو مسجد او یوکلینیک بمبار کړل او دخاورو سره یې برابرکړل.
دا معلومه خبره ده چی دوی دا کار د افغان ولس سره ددښمنۍ له مخی کوی اولکه په نورو برخو کی یې چی پرافغانانو باندی ترقی اوپرمختګ ندئ پیرزو دمعارف اوصحت په برخه کی یې هم ندئ پیرزو اولکه تراوسه یې چی ګڼ  شمیر عام المنفعه ځایونه ، کورونه او مراسم بمبار کړیدی دا یې هم دهغې لړې یوه برخه ده.
دوی چی یې په هرهدف بمباروی خو دسالم عقل او جوړ وجدان په محکمه کی ددې فیصله کولائ سو چی ددوی دغه کار دهیڅ انسانی معیار او اصولی قانون سره برابر کار ندئ اوچی دکوم هیواد سره یوڅوک یوه ذره مینه ولری او په هغه هیواد کی یو دوست ولری دهغه سره داسی کارنکوی.
او ددې په مقابل کی؛ چی دچاسره یوه ذره عقل وی او یولږ د انسانی فطرت تأثیرات پکښې وی داسی یرغلګر هیواد ته د دوست په سترګه نه ګوری او نه هم دهغه سره داسی تړون لاسلیک کوی چی پردوستۍ باندی دلالت وکړی او نه هم هغه ته دسوله غوښتونکی او امنیت راوړونکی هیواد په سترګه  ګوری.
خو پوښتنه داده چی آیا داسی بمبارونه دافغان حکومت سره په هماهنګۍ اوهمږغۍ باندی کیږی او که په خپل سر باندی کیږی؟
او تاوانونه یې څه دی؟
زموږ دبحث اصلی موضوع همدغه ده.
کچیری دغه بمبارونه دحکومت په همږغۍ باندی وی نوحکومت اوملت دواړه باید پدې باندی خپل سرخلاص کړی چی نه تنها داچی دا بمبارۍ دهر لحاظه غلطی او ناروا دی بلکی په یوډول باندی ملت په خطر کی اچول دی او دخپل ملت سره هر اړخیز خیانت کول دی. ځکه یوخو دکومو خلګو چی مدرسې،لیسې اوصحی مرکزونه ورانیږی هغوی هم دملت یوه برخه ده، دهغوی سره ظلم اوخیانت دټوله ملت سره ظلم او خیانت دئ.
اوبله خبره داده چی پدې کارباندی دحکومت ترساحی لاندی پر مدارسو، مکاتبو اوصحی مرکزونو باندی دبرید پلمه جوړیږی ځکه حکومت داسی سطحی اوغیرمعقول دلائل وای چی دغه مدرسې خو دطالبانو په ساحه کی دی اویاهم هلته نظامی طالبان ورځی اویاهم په صحی مرکزونو کی د طالبانو ناروغان تداوی کیږی.
نوکه دغه خبره د بمبار لپاره دلیل سی دطالبانو لخوا دبرید لپاره هم دلیل کیدلائ سی ځکه چی دحکومت په ساحه که چی کومی مدرسې او یامکاتب دی یا دولتی دی اویاهم خصوصی دی خو ددولت په ساحه کی جوړی سویدی اوکله ناکله ورته نظامی عساکر او چارواکی هم ورځی.
نو طالبان هم همدغه دلیل ویلائ سی چی دغه مدرسې او مکتبونه دحکومت په ساحه کی دی چارواکی اوعسکر ورته ورځی.
اویاهم دغه صحی مرکزونه دحکومت په ساحې کی دی دولتی چارواکی او عسکر پکښې تداوی کیږی.
اوکه بالفرض دغسی انتقامی عملیات پیل سی ملامتیا اوګرمتیا به یې دهغو خلګو په غاړه وی چی لومړئ یې دا کار شروع کړئ دئ او دداسی لرګینو دلائلو پربنیاد یې پر عامه تأسیساتو باندی بمبار کړئ دئ.
نو که په رښتیا حکومتی چارواکی ځانونه هوښیاران اوعاقلان بولی او دخپل ولس په غم اودرد باندی دردیږی باید دداسی پیښو پرکولو باندی خپله پښیمانی ښکاره کړی او ملامتی ومنی خلګوته دزیان اووښتلو غرامت اوتاوان ورکړی ترڅو بیرته خلګ خپلی مدرسې،مکتبونه او صحی مرکزونه په جوړکړی، او د را روان وخت لپاره دداسی پیښو د بیا کیدلو مخه ونیسی اوپه داسی کرغیړنو او احمقانه پیښو کی د یرغلګرو امریکایانو سره ملتیا اوهمږغی ونکړی.
او که حکومت دامریکانوسره دداسی بمباریو په کولو کی شریک او همږغئ نوی بلکی امریکایان یې په خپل سری توګه کوی نوبیا امریکا یې شاید دلاندی مواردو دښکاره کولو اوثبوت لپاره کوی:
۱ – دداسی حملو په کولو باندی امریکا حکومت ته دا ورښکار کوی چی دلته ټوله کار زموږ په لاس کی دئ کوم شئ چی موږ یې وغواړو هغه به کیږی اوچی کوم شئ موږ یې ونه غواړو هغه به نکیږی ستاسو(حکومت) تنها نوم او نمایشی وجود دئ نور دهیڅ شی اختیار نلرئ.نوبناء که موږ دطالبانو سره دمخامخ خبرو پلان جوړوو تاسو هیڅ پکښې مه وایاست.
۲ – دداسی حملو په کولو باندی امریکا غواړی په خلګو کی یو قسم ډار او وحشت پیدا کړی چی ګویا که موږ ته تسلیم نسئ نو موږ به آن ستاسو پرمقدسو اوملکی ځایونوباندی هم رحم ونکړو او درڅخه وران به یې کړو.
۳ –کومی ساحی اوسیمی چی دطالبانو په لاس کی دی هلته خورا امنیت دئ. سرقت، اختطاف، منکرات، فساد اوبی هدفه وژنی هیڅ وجود نلری. خوامریکا ته داسی حالت د منلو ندئ او دطالبانو په سیموکی هیڅ قسم عادی ژوند ورته دزغملو ندئ ځکه دوی ډیر حیران او وار خطادی چی دحکومت دواک لاندی سیمو کی موږ حضور هم لرو ډیر امنیتی ځواکونه هم شتون لری او ډیر مادی لګښتونه هم کیږی خوبیاهم امنیت شتون نلری او طالبانو فقط په خپل حضور او یا نفوذ باندی په اعلی کیفیت امنیت را وستلئ دئ. نو دعادی ژوند دکډوډ کولو لپاره داسی حملې کوی.
۴ – دا یوحقیقت دئ چی دطالبانو په سیموکی دامنیت شتون ډیرئ خلګ هیله من کړیدی او دطالبانو په اداری جوړښت کی دفساد نه شتون دډیرو خلګو مخه ودوی ته اړولې ده آن تردې چی دحکومتی سیمو څخه خلګ دخپلو ستونزو اومشکلاتو دحل لپاره دطالبانو محاکموته رجوع کوی. خو امریکای چارواکی ددې حالت څخه ډیر افسرده دی او د آینده لپاره ځان او خپل پلویان په خطر کی وینی نوځکه غواړی په ویره او وحشت باندی خلګ دطالبانو دساحو څخه راوګرځوی او د بمبار په زور ځان خپلو موخو ته ورسوی.
۵ – له ورایه ښکاری چی دپخوا په نسبت دطالبانو په سیمو کی دمعارف او صحت په برخه کی ډیر پرمختګ راغلئ دئ. مدارس اومکاتب جوړسویدی شفاخانې او کلینیکونه تأسیس سویدی چی داکار یوقسم طالبان او ددوی په سیمه کی اوسیدونکی خلګ ترډیره بریده خودکفاء کړیدی خو امریکایانو ته دغه ترقی دزغملو نده نوکوښښ کوی ترڅو دداسی ځایونو په بمبارولو دداسی ترقۍ او پرمختګ مخه ونیسی.
۶ – په تیر اخترکی درې ورځنی اوربند امریکاته عملا دا ور وښووله چی افغانان په خپل مینځ کی ډیر ژر سره جوړیږی او ډیرئ افغانان دامریکایانو په حضور باندی ندی خوشاله او ددوی شتون په افغانستان هیڅ با احساسه افغان ته دقبول وړندئ آن تردې چی دوی اوس د افغان پولیسو او ملی اردوڅخه هم ډیر دخطر احساس کوی.
نو دوی غواړی دداسی حملو په کولو سره دافغانانو ترخپل مینځ ستونزی اومشکلات ډیر کړی ترڅو افغانان په خپل مینځ کی سره اخته سی او دوی ورڅخه خلاص سی او دمتقابل انتقام په هدف په هیواد کی عام المنفعه تأسیسات وران سی.
پدې هیله یو چی زموږ افغانان وړونه خپل عقل او وجدان ته رجوع وکړی خپل دوست او دښمن پوره وپیژنی نور دامریکایانو په غوړو او درواغجنو وعدو باندی دوکه نسی، ترخپل مینځ سره جوړ سی او امریکا د انگلیس او روس غوندی شرمیدلی اوسرټیټه دهیواد څخه وباسی او په ګډه دشرعی نظام ترسایې لاندی خپل هیواد په خپلو موټو باندی جوړ کړی.
[مولوی نورالحق مظهری]

عقلی فیصلۍ

۱ـ که د امریکا مخی ته دریدل ترهګری سی نو د انګلیس او روس مخی ته دریدل هم ترهګری وه.
۲ـ که زما او ستا همزولی جهادی مبارزین ترهګر وی نو ارومرو زموږ نیکه کان هم ترهګر وه ځکه دا مبارزه خو هغوي هم کړیده.

درخواست:

په خپل ديــدن مي ياره ليري دزړه زنګ كه
ماخــــــوارغــريب خپـــــــل ده درملنګ كه

ته يــــــې كعبه دغـــــــــــــــــريبانـــــوآشنا
حج ته مي وغواړه ملګـــرئ مي د څنګ كه
ماخــــــوارغــريب خپـــــــل ده درملنګ كه

د زړه په مينه كــــــــــــــي ځاي راكړه آشنا
دزخمــي زړه څخه مي ليري سورخدنګ كه
ماخــــــوارغــريب خپـــــــل ده درملنګ كه

سيـــــــراب مــــي كړه دځان دعشق په ميو
راته نصيب دكـــــــوثــري جامونو شرنګ كه
ماخــــــوارغـــريب خپـــــــل ده درملنګ كه

تـــــــــــــوروتياروته مـــــــــــــــي رڼا راوله
زړه كـــــــــي مـي بله نوراني ډيوه دننګ كه
ماخــــــوارغــريب خپـــــــل ده درملنګ كه

دمظهــــــری پـــــــــردښمنانـــــــــوبانــــــدي
د رب په مــــرسته ددنياټول ماحول تنګ كه
ماخــــــوارغــــريب خپـــــــل ده درملنګ كه
[ایران، زاهدان كوه قدس]

صمیمی ملګرئ:

۱ـ صمیمی ملګرئ دبل چا په واسطه ستاسره خبره نه شریکوی بلکی تاته یې خپله وایې.
۲ـ صمیمی ملګرئ ستا دعوايدو حساب نکوی بلکی ستا دمصارفو حساب کوی تر څو د اړتیا په صورت کی مرسته درسره وکړی.
۳ـ صمیمی ملګرئ ستا مخ ته ستا صفت نکوی بلکی د نورو مخ ته ستا صفت کوی.
۴ـ صمیمی ملګرئ ستا په اړه د نورو څخه پوښتنه نکوی بلکی ستاڅخه خپله پوښتنه کوی.
۵ـ صمیمی ملګرئ ستا په حق کی دنورو خلګو بدی خبری نه تحمل کوی بلکی جواب یې ورکوی.
۶ـ صمیمی ملګرئ تا ستا خطاء ته متوجه کوی او ستا نیمګړتیا درته په ګوته کوی.
۷ـ صمیمی ملګرئ ځپل کار په تا نه جوړوی بلکی ستاسره په ګډه دمشترکی ګټی لپاره کار کوی.

جنایت او بی عقلی:

پدې پلمه د مدرسې بمبارول او ویجاړول چی هغه د طالبانو یوه مشرجوړه کړیده ډیره بې انصافی ده او دعقلی چوکاټ څخه وتلئ کار دئ له یوې خوا دا کار دتعلیم او تربیې سره  ددښمنۍ ښکاره کول دی ځکه زموږ دمعلوماتو سره سم هلته ماشومانو ته دینی اوعصری ښوونه ورکول کیدل او طالب العلمانو درسونه پکښې ویل او هیڅ قسم نظامی روزنه چاته پکښې نه ورکول کیدل او نه هم دنظامی موخو لپاره ورڅخه ګټه پورته کیدل او د بلی خوا پر مکاتبو باندی حملې ته دلیل پیدا کول دی ځکه صبا به مکاتب هم پدې پلمه چی حکومت جوړ کړیدی او اشرف غنی یې حمایه کوی تر برید لاندی نیول کیږی.
هلته به بیا مسئولیت دهغه چا پرغاړه وی چی لومړئ یې دا کار پیل کړئ دئ او دپورته دلیل پر بنیاد یې پر مدرسه باندی بمبار کړئ دئ.

عقل که نباشد جان به عذاب است
اختیار که از خود نباشد جرایم بی حساب است

عاشق د عشق یم:

كه هــرڅو سوَځــم په اور عاشق د عشق يم
كه جهان سي ســــور تنور عاشق د عشق يم

كه هــــر څــو مي ســي ژونــدون د كـړاوونو
خـــو بياهم زه په هـرلــور عاشق د عشق يم

كه دمځكي ســــرسي ټـــوله ســـره سكروَټه
كه زه ســم لــــړون د اور عاشــق د عشق يم

دنياوال كـــه هـــــرڅه وايــــې وَدِي وايــــې
كه مي بولــــي بې شعــور عاشـق د عشق يم

كه مــي بُــــولي ليونــــــئ اويابــــــــــې عقل
چي دښمــن سي راته  ورورعاشق دعشق يم

مظهـری! دادي د خپل ژونـدون شعـــــــاركړه
كه بهــر يم كه پر كـــــور عاشــق د عشق يم

[د طالبۍ د وخت شعر]

ساده اوبې فکره ته خطاب:

تَعَقُّـــل تَحَــسُّر نلـــری دقــــت ته ذلت نه راځــــی
تفکـــر تـَـمَسْخُر نلــری په نفس هـــدایت نه راځی

سمه لار د اَوْلَنو چی درڅه پاته ده په جوش باندی
په صحبت ده بې فکرانو اصلاحی دِرایت نه راځی

صحابه او تابعین، مجتهدین مِعیار دحق دی زموږ
د لالا او د ماما پســـې په تلــو طهارت نه راځـــی

دوولسمی صدۍ پوری هیڅ عالم ستا مقتـدا نـدئ
د غوړ ژبی او لــوړ ږغـی په تقلید لیاقت نه راځی

زماهمعصردئ خو ته یې دخپل ځان لپاره پیربولې
اُف په داسی تنګ نظر داستعداد ظرفیت نه راځی

مظهری ته که غوږ ونیسې د عقل خوند به ووینې
په ساده باور او پټو سترګو هیڅ بصیرت نه راځی

درباری خلګوته خطاب:

چی نُـور د عقل نـوی اُور د نفس به دی تباه کـړی
چی درد دټولونوی غم دشخص به دی رسوا کړی

چی پیل د کار بی فکـره وی نو داسی به ختمیږی
چی نه به نتیجه ورکړی او نه به څوک پخلا کړی

د چاچی درباری سوې نور اختیار دی دځان نسته
مــزدور به د پـردو وی تابه ځان ته په ګــډا کـړی

ناســم کـار به په تا کــوي انــعام  به یـې دده وی
چی کله ورته اړسې بس نـوسم به درته شا کـړی

نظـر یې په تا جـوړ وی او فتـویٰ یـې په تا سمه
وغونډی ته دی استوی تر څو دی سر سودا کړی

پــدې خاطــــر یـې غنـدم مظهـری درباری خـلګ
د بل په کشکارلو خپل خپلـوان ته غپ غپا کړی

د سعودی د غونډی په اړه:

۱ ـ هسی دوه ورځنئ بانډار وو بی نتیجې پای ته ورسید.
۲ ـ دې غونډی ته هغه درباری ملایان ورغلی وه چی په خپل هیواد کی یې سم خلګ پرخبره باندی هیڅ غوږ نه نیسی.
۳ ـ دحرم دامام په خبروکی هیڅه داسی خبره نوه چی مهمه او نوې وی.
۴ ـ پر غونډی باندی چی څومره مصرف سوئ وو ټوله بیځایه وو ددې پرځای چی یې دغه روپۍ اړو انسانانو ته ورکړیوائ ډیربه ښه وای.
۵ ـ ددې بانډار جوړوونکو او چلوونکو یوه بله لویه ګناه دا وکړه چی په درواغجنو رسنیو یې لاډیر درواغ وویل ځکه هغوي ددوی خبروته داسی لکۍ ورکړې چی دوی یې تصور هم ندئ کړئ .
۶ ـ داسی بانډارونه د آینده لپاره احتمالی کیدونکی غونډی هم بدنامه وی او پرداسی بانډارونو په قیاس کولو سره دخلګو باور ورباندی پوره کموی.
۷ ـ کاشکی په حرم کی داسی بانډار نوائ جوړ سوئ ځکه چی حرم دعبادت لپاره جوړ سوئ دئ نه دداسی بانډارونو لپاره.
۸ ـ ددې مجلس ګډونوال باید دښه پوره اودس کولو وروسته دوه رکعته لمونځ وکړی او دفکری نعمت څخه دنه استفاده کولو او د وخت ضایع کولو له وجهی دالله پاک څخه بخښه وغواړی.