د خښم درملنه:

عن عَطِيَّةَ السَّعْدِيِّ، أَنَّهُ سَمِعَ النَّبِيَّ صَلَّى اللَّهُ عَلَيْهِ وَسَلَّمَ، يَقُولُ: الْغَضَبُ مِنَ الشَّيْطَانِ، وَالشَّيْطَانُ خُلِقَ مِنَ النَّارِ، وَالنَّارُ تُطْفَأُ بِالْمَاءِ، فَإِذَا غَضِبَ أَحَدُكُمْ فَلْيَتَوَضَّأْ.[شعب الایمان 7938]
ژباړه: عطیة سعدی وایی: ما د رسول الله صلی الله علیه وسلم څخه واوریدل چی ویل یې: خښم د شیطان له لوری دئ، شیطان د اور څخه پیدا سوئ دئ او اور په اوبو باندی مړ کیږی نو کله چی ستاسو څخه یوچا ته خښم ورسی نو اودس دی وکړی.
یعنی دخپل خښم اور دی د اوداسه په کولو باندی مړ کړی.

سیکولاریزم نه منو:

د سیکولاریزم نه منل افراط او تنګ نظری نه بلکی د سوچه اسلامی عقیدې غوښتنه او تقاضا ده ځکه چی اسلام پوره، صاف او خود کفاء قانون دئ د هیڅ بل قانون سره خلط او میکس کیدلائ نسی.
اسلام هیڅوخت د مسلمان د ژوند څخه بیلیدلائ نسی او د مسلمان د ژوند هیڅه برخه باید د اسلامی چوکاټ څخه بهر نوی.
د سیکولاریزم منل په اصل کی د اسلام ورانول دی،  سیکولر شخص ته د کامل انسان په صفت کتل  د اسلام سره جفاء،  او دانسانی شرافت سره ستر خیانت دئ.

۹بد إنسانان:

عَنْ أَسْمَاءَ بِنْتِ عُمَيْسٍ الْخَثْعَمِيَّةِ قَالَتْ سَمِعْتُ رَسُولَ اللَّهِ -صلى الله عليه وسلم- يَقُولُ « بِئْسَ الْعَبْدُ عَبْدٌ تَخَيَّلَ وَاخْتَالَ وَنَسِىَ الْكَبِيرَ الْمُتَعَالِ بِئْسَ الْعَبْدُ عَبْدٌ تَجَبَّرَ وَاعْتَدَى وَنَسِىَ الْجَبَّارَ الأَعْلَى بِئْسَ الْعَبْدُ عَبْدٌ سَهَا وَلَهَا وَنَسِىَ الْمَقَابِرَ وَالْبِلَى بِئْسَ الْعَبْدُ عَبْدٌ عَتَا وَطَغَى وَنَسِىَ الْمُبْتَدَا وَالْمُنْتَهَى بِئْسَ الْعَبْدُ عَبْدٌ يَخْتِلُ الدُّنْيَا بِالدِّينِ بِئْسَ الْعَبْدُ عَبْدٌ يَخْتِلُ الدِّينَ بِالشُّبُهَاتِ بِئْسَ الْعَبْدُ عَبْدٌ طَمَعٌ يَقُودُهُ بِئْسَ الْعَبْدُ عَبْدٌ هَوًى يُضِلُّهُ بِئْسَ الْعَبْدُ عَبْدٌ رَغَبٌ يُذِلُّهُ ».[سنن ترمذی 2636]
ژباړه: أسماء بنت عمیس الخثعمیة وایی: ما د رسول الله صلی الله علیه وسلم څخه واوریدل چی ویل یې:هغه بنده بد سړئ دئ چی تکبر اوفخر وکړی او متعال خدای هیرکړی، هغه بنده بد سړئ دئ چی ظلم اوتجاوز وکړی او لوړ غیښتلئ ذات هیرکړی، هغه بنده بد سړئ دئ چی عبث اوبې فایدې کارونه وکړی او قبرونه او زړیدل هیرکړی، هغه بنده بد سړئ دئ چی سرغړونه او سرکښی وکړی او خپله إبتداء او إنتهاء هیره کړی، هغه بنده بد سړئ دئ چی دنیا په دین پیدا کوی، هغه بنده بد سړئ دئ چی دین په شبهاتو باندی ورانوی، هغه بنده بد سړئ دئ چی طمع یې کشوی، هغه بنده بد سړئ دئ چی نفسی غوښتنی یې ګمراه کوی، هغه بنده بد سړئ دئ چی هیلی یې خواروی.
یعنی ددغو صفاتو درلودونکی بد خلګ دی:
۱ – څوک چی تکبر او فخر وکړی او لوی الله پاک هیرکړی.
۲ – څوک چی ترشرعی حدودو تجاوز او ظلم وکړی او قوی خدای پاک هیرکړی.
۳ – څوک چی عبث اوبې فایدې کارونه کوی او قبرونه او په قبرکی دخپل بدن زړیدل او ورستیدل هیرکړی.
۴ – څوک چی د الله پاک د اوامرو څخه سرغړونه او سرکښی کوی او خپل پیل او خاتمه یې هیر کړې وی.
۵ – څوک چی دنیا په دین باندی پیدا کوی یعنی دین د دنیا پیدا کولو لپاره کاروی.
۶ – څوک چی دین په شبهاتو باندی فاسدوی یعنی په شبهاتو پسې ګرځی او په دین کی شبهات پیدا کوی.
۷ – څوک چی ځان د طمع او آرزو تابع کړی هرچاته طمع او امید لری.
۸ – څوک چی نفسی غوښتنی یې ګمراه کړی یعنی ځان دنفسی غوښتنو تابع کړی چی بالآخره ګمراه سی.
۹ – څوک د مال ډیر حرص لری او اوږدې هیلی لری ترڅوچی خوار یې کړی.

د قهر اوغضب تاوان:

عَنْ بَهْزِ بْنِ حَكِيمٍ، عَنْ أَبِيهِ، عَنْ جَدِّهِ، قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: " إِنَّ الْغَضَبَ لَيُفْسِدُ الْإِيمَانَ كَمَا يُفْسِدُ الصَّبْرُ الْعَسَلَ.[شعب الایمان 7941]
ژباړه:بهزبن حکیم دخپل پلاره څخه هغه دده ده نیکه څخه روایت کوی چی رسول الله صلی الله علیه وسلم وفرمایل: غضب د إنسان إیمان داسی فاسدوی لکه د صبر بوټئ چی شات فاسدوی.
یعنی د غضب دومره ډیر تاوان دئ چی له کبله یې د إنسان ایمان هم زیانمند کیږی، کمال او رڼایې ځینی ځی اوکله ناکله نعوذ بالله د ایمان د زوال اوبطلان لامل هم جوړیږی.

عملونه مو خراب دي

عملونه مـو خراب دی داسی کیږی
وریځ راسی بې بارانه ځی تیریږی

د عاجزۍ ګټه او د تکبر تاوان:

قَالَ عُمَرُ وَهُوَ عَلَى الْمِنْبَرِ: أَيُّهَا النَّاسُ، تَوَاضَعُوا فَإِنِّي سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:مَنْ تَوَاضَعَ لِلَّهِ رَفَعَهُ اللهُ، فَهُوَ فِي نَفْسِهِ صَغِيرٌ، وَفِي أَعْيُنِ النَّاسِ عَظِيمٌ، وَمَنْ تَكَبَّرَ وَضَعَهُ اللهُ، فَهُوَ فِي أَعْيُنِ النَّاسِ صَغِيرٌ، وَفِي نَفْسِهِ كَبِيرٌ، حَتَّى لَهُوَ أَهْوَنُ عَلَيْهِمْ مِنْ كَلْبٍ أَوْ خِنْزِيرٍ.[شعب الایمان 7790]
ژباړه: عمررضی الله عنه پداسی حال کی چی پرمنبر باندی ولاړوو وفرمایل: ای خلګو عاجزی وکړئ! ځکه ما د رسول الله صلی الله علیه وسلم څخه اوریدلی دی چی ویل یی: هرڅوک چی د الله لپاره عاجزی وکړی الله پاک به یې لوړ کړی، نو ده ته ځان کوچنئ ښکاری خو دخلګو په سترګو کی لوی ښکاری. او هرڅوک چی تکبر وکړی الله پاک به یې بې اعتباره کړی، نو دئ خلګوته کوچنئ (سپک) ښکاری خو ځان ورته لوی ښکاری، آن تردې چی خلګو ته تر سپی او سرکوزی هم بې اعتباره وی.
یعنی په چی څوک د الله لپاره عاجزی وکړی داسی چی پر نورو انسانانو باندی ځان لوړ ونه بولی، د الله پاک اطاعت او بنده ګی وکړی او دتکبر څخه ځان وساتی نو الله پاک به ودې انسان ته دومره عزت او اعتبار ورکړی چی د خلګو په سترګو کی به یې لوړ او عزتمند کړی او د الله پاک په نزد به هم معتبر اوعزتمند وی.
او څوک چی تکبر او غرور کوی الله پاک به یې دومره بې اعتباره کړی چی خلګ به یې تر سپی اوسرکوزی هم سپک ګڼی کڅه هم ده ته خپل ځان لوی او معتبر ښکاری.

پخوانې خاطره او د اوس واقعیت:

د طالبۍ په دوران کی مو یو وخت د نیمروز خاشرود مربوط په کوتلک کلی کی د یو مرید ډوله سړی سره مباحثه کول چی کله په خبرو کی ملامت سو یودم جست وغورځیدئ په خوله یې پرت پرت او غمبرشروع کئ ځان یې پر جذابیت اولیونتوب باندی واچوئ یوګړئ یې غورې ووهلې وروسته یې کلمه وویل او راکښینت، موږ ته یې مخ را واړوئ ویل یې: طالب جانه! زه خو ستا پرخوا یم، ستا ټولی خبری زما قبولی دی دا فلانئ سړئ نه پوهیږی چی ځان ستاسو سره نیسی، دطالب څومره لوړه مرتبه ده!او.......
آبس د ځان ملامتیا ته یې د اوړو پزه جوړه کړه او ځان یې خلاص کړ.
داقیصه می د لیونی ټرمپ تر کړنو پوری را یاده سوه چی دخپل قدرت په لومړیو کی یې خورا غټی غټی خبری کولې، په خپل فکر یې منظمه او عملی کیدونکې جګړه ایزه کړنلاره اعلان کړه.
وژنی، بمبارۍ، ورانئ او ظلمونه یې وکړه خوچی کله یې خپل په ناکامۍ باندی سر خلاص سو په پرتو او اوتو بوتو یې پیل وکړ.
د قدرت اوچوکۍ په نشه مست خلګ تل داسی وی.

نجات ورکوونکی او هلاکوونکی:

عَنْ أَبِي هُرَيْرَةَ، أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ: "ثَلَاثٌ مُنْجِيَاتٌ، وَثَلَاثٌ مُهْلِكَاتٌ، فَأَمَّا الْمُنْجِيَاتُ: فَتَقْوَى اللهِ فِي السِّرِّ وَالْعَلَانِيَةِ، وَالْقَوْلُ بِالْحَقِّ فِي الرِّضَا وَالسُّخْطِ، وَالْقَصْدُ فِي الْغِنَى وَالْفَقْرِ، وَأَمَّا الْمُهْلِكَاتِ: فَهَوًى مُتَّبِعٌ، وَشُحٌّ مُطَاعٌ، وَإِعْجَابُ الْمَرْءِ بِنَفْسِهِ، وَهِيَ أَشَدُّهُنَّ ". [شعب الایمان6865]
ژباړه: د ابوهریرة رضی الله عنه څخه روایت دئ چی رسول الله صلی الله علیه وسلم وفرمایل: درې شیان نجات ورکوونکی دی او درې شیان هلاکوونکی دی.
هغه درې شیان چی نجات ورکوونکی دی:تقوی ده په ښکاره اوپه پټه کی، دحق خبره کول دی په خوښۍ او په خښم کی او اعتدال دئ په سرمایه دارۍ او فقر کی. او هغه شیان چی هلاکوونکی دی:هغه نفسی غوښتنی چی إنسان پسې ځی، هغه بخالت چی إنسان یې اطاعت کوی او په خپل ځان باندی د إنسان تکبر او دغه تر ټولو په بدۍ کی سخت دئ.
یعنی ۱ - په پټه اوښکاره کی تقوی. ۲ - په خوشالۍ اوپه خښم کی حقه خبره. ۳ - په غنی اوپه فقرکی اعتدال اومیانه روی إنسان ته نجات ورکوی.
او ۱ – نفسی غوښتنو پسې تلل. ۲ – بخالت کول. ۳ – په ځان باندی مغروره کیدل إنسان بربادوی او هلاکت ته یې رسوی.

فکر وکړئ!

هغه خلګ چی د امریکا امکاناتو ته ګوته په غاښ دی، هر څه د هغې څخه انګیري، هر کار یې ددوي لپاره حکیمانه او پلان سوئ بولی، ټول کړه وړه یې شعوری او قصدی بولي او ماته یې ناشونې بولي که د دجال تر زمانې ورسیږی پر  هغه باندی به څه ګمان کوی؟! ځکه د هغه امکانات او تکنالوژي خو څو برابره د امریکې تر امکاناتو او تکنالوژۍ لوړ دی، دجال داسی کارونه کوی چی د امریکا څخه یې تصور هم نکیږې پدې خاطر دئ چی دهغه په وخت کی په عقیده سست او ضعیفه خلګ پر ده باندی ایمان راوړی او په خدايي یې منی.

مسلمانه وروره او خوری!
فکر وکړه، د بشر او مخلوق تاریخ مطالعه کړه، د نړۍ د پیل څخه بیا تر اوسه پوری د وران سوو زبرځواکونو حالات ځانته معلوم کړه، بشري طاقت وسنجوه، هر څه ته د مادیاتو او ظاهری اسبابو له پلوه مګوره،  په مخلوقاتو کی د مقتدر ذات الله پاک عادت ته کتنه وکړه، نړۍ څو محدوده زمانه مه بوله، د پیښو او حوادثو څخه مه متأثر کیږه، تیر مه هیروه او آینده ته د اسلامی عقیدې په هنداره کی وګوره!.
مولوی نورالحق مظهری

دځانه څخه بې عزم او بې ارادې خلګ مه جوړوئ!

عَنْ حُذَيْفَةَ قَالَ قَالَ رَسُولُ اللَّهِ -صلى الله عليه وسلم- « لاَ تَكُونُوا إِمَّعَةً تَقُولُونَ إِنْ أَحْسَنَ النَّاسُ أَحْسَنَّا وَإِنْ ظَلَمُوا ظَلَمْنَا وَلَكِنْ وَطِّنُوا أَنْفُسَكُمْ إِنْ أَحْسَنَ النَّاسُ أَنْ تُحْسِنُوا وَإِنْ أَسَاءُوا فَلاَ تَظْلِمُوا ».[سنن ترمذی2138]
ژباړه: دحذیفه رضی الله عنه څخه روایت دئ چی رسول الله صلی الله علیه وسلم وفرمایل: دځانه څخه بې موقفه ( بې ارادې ) مه جوړوئ چی تاسو وایاست: که خلګو ښه کول موږ هم ښه کوو او که خلګو ظلم کوئ موږ هم ظلم کوو، بلکی دعزم او ارادې خاوندان وسئ که خلګو ښه کول تاسو هم باید ښه وکړئ او که خلګو بد کول تاسو نو بیا ظلم مکوئ.
توضیح: یعنی دځانه څخه داسی بې موقفه، بې عزمه او بې ارادې خلګ مه جوړوئ چی په هرشی کی بیله دې چی دځانه سره فکر وکړئ او مثبت په نظر کی ونیسئ نورو خلګو ته ګورئ او ځانونه تل د نورو خلګو لارویان او مقلدین بولئ او ځانونه داسی بولئ چی که خلګو ښه کول موږ هم ښه کوو او که خلګو بد کول موږ هم بد کوو. بلکی ځانونه دعزم، موقف او ارادې خاوندان وبولئ دسالم عقل څخه په استفاده پرځان باندی باور ولرئ او ځانونه داسی جوړ کړئ چی که خلګو ښه کارونه کول تاسو هم ښه کارونه وکړئ او که خلګو بد کارونه کول تاسو نو بیا بدکارونه او ظلم مکوئ.
ددې حدیث څخه له ورایه ښکاری چی إنسان باید هیڅوخت په بدکار کی د نورو خلګو پسې ولاړ نسی، او هیڅ وخت د بدکار په کولو کی دنورو خلګو کړه وړه دځان لپاره دلیل ونه ګرځوی بلکی په ښه کارونو کی دی دخلګو پسې ځی خو په بدو کارونو کی دی د نورو خلګو پسې نه ځی.
مولوی نورالحق مظهری

انسان به کله هلاکیږی؟

عَنْ عَمْرِو بْنِ مُرَّةَ ، عَنْ أَبِي الْبَخْتَرِيِّ الطَّائِيِّ ، قَالَ : أَخْبَرَنِي مَنْ سَمِعَهُ مِنْ رَسُولِ اللهِ صَلَّى اللَّهُ عَلَيْهِ وَسَلَّمَ أَنَّهُ قَالَ : لَنْ يَهْلِكَ النَّاسُ حَتَّى يُعْذِرُوا مِنْ أَنْفُسِهِمْ. [ مسند احمد 18289]
ژباړه: عمرو بن مره د ابی البختری الطائی څخه روایت کوی چی هغه وایی:زه خبرکړم هغه چا چی د رسول الله صلی الله علیه وسلم څخه يې اوريدلی وه چی هغه وفرمایل: خلګ ترهغه وخته پوری نه هلاکیږی ترڅو چی د خپلو ځانونو څخه او په خپلولاسونو باندی عذرونه پیدا نکړی.
یعنی ډیر ګناهونه کوی ترڅو دعذاب وړ وګرځی او دوی ته عذاب ورکوونکئ معذور وشمیرل سی او ددوی دعذابولو لپاره دلیل اوتوجیه پیدا سی.
او یاهم هدف ورڅخه داسی دئ چی دوی ګناهونه کوی او دخپلو ګناهونو لپاره فاسد دلائل وایی او دځانه څخه توجيهات ورته جوړوي ترڅو معذور وشمیرل سی اوخلګ یې ملامت نکړی.

د مسلمان لپاره

میلادی عیسوی کال په موږ مسلمانانو پوری هیڅ تړاو نلری نه يې چاته تبریکی ورکوو، نه یې تبریکی منو، نه یې په پیلیدلو او ختمیدلو بدفالی یا نیکفالی کوو او نه یې هم له مخی د کوم شی حساب کوو .