د مسلمانانو په مخ کې د مسلمانانو ټولوژنه:

ليکنه: مولوي نورالحق مظهري
د ۵۶ اسلامي هيوادونو او تقريبا ۲ ميليارده مسلمانانو په مخ کې نن د غزې پر مسلمانانو څه حال دی؟ نن اسلامي هيوادونه دومره بې غيرته شويدي چې د امريکا او غرب له ويري د فلسطيني مسلمانانو په دفاع کې لږ تر لږه خپل ږغ لا نشي پورته کولای.

نن هغه ديني ورورګلوي، اسلامي يووالی، ايماني جذبات او مقدس مشترکات څه سوه؟ ولي د خپلو مسلمانو وړونو په حق کې چوپ پاته ياست؟ ولي دومره بې غيرتي او دومره غلامي؟.

آيا د رسول الله صلی الله عليه وسلم دا خبره مو نده ليدلې چې فرمايي: الْمُسْلِمُ أَخُو الْمُسْلِمِ، لَا يَظْلِمُهُ وَلَا يُسْلِمُهُ.[شعيب الإِيمان 7208] ژباړه: مسلمان د مسلمان ورور دی چې ظلم ورباندي نه کوي او چا ته يې نه پريږدي. يعني مسلمان بايد پر مسلمان ظلم ونکړي او ظالم ته يې پرې نږدي بلکې د خپل مسلمان ورور ساتنه او دفاع وکړي.

له بده مرغه چې نن په عامه توګه په مسلمانانو کې د يو بل په وړاندي دغه احساس او مسئوليت له منځه تللی دی له همدې امله ټوله ګورو چې د ټولو مسلمانانو په مخ کې اسرائيلو د غزې پر مسلمانانو ظلمونه شروع کړي دي، د ورځي په سلهاو مسلمانان شهيدانوي او د غزې ټول ښار يې له خاورو سره خاوري کړي دي.

مسلمانانو دا خبره له پامه غورځولې ده چې الله تعالی موږ په قرآن کې سره وړونه بللي يو او دا وظيفه يې راکړې ده چې بايد د يوبل په وړاندي د خواخوږۍ او غمخوارۍ پاليسي غوره کړو او په هر حالت کې د يوبل څخه دفاع وکړو. دا په دې خاطر دی چې مسلمانان د دين څخه ليري شوي دي ځکه نو د بې غيرتۍ او ناتوانۍ په آخري پړاو کې ژوند تېروي او دومره ضعيف الايمانه شوي دي چې اوس د خپل ايمان په مقتضی ګرسره عمل نشي کولای بلکې په ذهن کي يې هم نه را ګرځي.

د مسلمانانو حالاتو ته په کتو داسي ويلای شو چې نن نو هغه وخت دی چې اسلامي امت هيڅ په کار نه دی او د پيغمبر صلی الله عليه وسلم په شاهدۍ داسي بې اعتباره دی لکه د اوبو زګ يا لکه د سيل خاشې.

تر څو چې مسلمانان راويښ نه شي او د خپلو هيوادونو حاکمان اصلاح نکړي تر هغه وخته د اوسني سختو حالاتو څخه نشي راوتلای ځکه دا ټوله بدبختي د بدمرغه حاکمانو له لاسه مسلمانانو ته ورپېښه ده، مسلمانان چې خپلمنځي اختلافت پرې نږدي، پر يوه مسلمانان حاکم سره راټول نشي او يا لږ تر لږ مسلمان با احساسه حاکمان د ځان لپاره غوره نکړي تر هغه وخته به داسي سره وېشلي او په داسي ذلت او خوارۍ کې ژوند تېروي.

نن چې د نړۍ کفار هر څه وغواړي د مسلمانانو سره يې کوي او چې پر هر اسلامي هيواد بريد وکړي مخ ته يې څوک نه دريږي دا ټول په دې خاطر دی چې مسلمانان سره وېشلي دي، په مسلمانانو کې د اسلام هغه قوي روح شتون نه لري او د يو بل په وړاندي د غمخوارۍ احساس نه لري.

يو وخت چې مسلمانان سره متحد وه او پر يوه مسلمان حاکم سره راټول وه د امريکا غوندي هيوادونو مسلمانانو ته جزيه ورکوله او د نړۍ په هيڅ ځای کې پر مسلمانانو چا بريد نشو کولای.

ښکنځل کوونکې انسان ته د الله غضب:

ژباړه: عبدالله بن عمرو وايي: ما د رسول الله صلی الله عليه وسلم څخه واورېدل چې ويل يې: بدي خبري د الله پاک نه خوښيږي، يا يې وويل چې الله پاک د بدو خبرو پر کوونکې او جوړوونکې باندي بغض کوي، همدا راز يې و فرمايل: قيامت تر هغه وخته پوري نه راځي تر څو چې د بدو خبرو کول او جوړول نه وي ښکاره شوي، صله رحمي نه وي پرې شوې او بد ګاونډيتوب نه وي ښکاره شوی، او تر هغه وخت پوري قيامت نه راځي تر څو چې خائن امين او امين خائن و نه ګڼل شي.

توضيح: يعني بدي خبري چې: ښکنځل، ناروا ټوکي، غيبت، بهتان او درواغو ټولو ته شامليږي د الله پاک نه خوښيږي او الله پاک پر هغه چا باندي بغض او قهر کوي چې بدي خبري کوي او يا بدي خبري جوړوي همدا راز د بدو خبرو پيدا کېدل، د صله رحمي پرېکېدل، بد ګاونډيتوب، خائن امين او امين خائن ګڼل دا ټولي د قيامت راتللو علامې دي.

څوک چې د ځان لپاره د الله پاک خښم او بغض نه غواړي نو بدي خبري او ښکنځل دي نه کوي، د خپلوانو او دوستانو سره دي صله رحمي نه پرې کوي، د خپلو ګاونډيانو سره دي ناوړه چلند نه کوي، خائن شخص دي امين نه بولي او امين شخص دي خائن نه بولي.

عن عبد الله بن عمرو انه سمع من رسول الله صلى الله عليه و سلم قال ان الله لا يحب الفحش أو يبغض الفاحش والمتفحش قال ولا تقوم الساعة حتى يظهر الفحش والتفاحش وقطيعة الرحم وسوء المجاورة وحتى يؤتمن الخائن ويخون الأمين.[مسند احمد6514]

مولوي نورالحق مظهري

قوي او تکړه مسلمان د الله تعالی ډېر خوښيږي:

ژباړه: قوي مؤمن الله ته ډېر غوره او محبوب دی تر کمزوري مؤمن، خو په دواړو کې خیر دی. د هغه څه لپاره کوښښ وکړه چې تا ته ګټه رسوي، او په الله توکل وکړه او مه عاجزه کېږه.

په دې خاطر چې په حديث کې د قوي لفظ مطلق راغلی دی نو يوازي فزيکي قوت ورڅخه مراد نه دی بلکې عام قوت مراد دی هغه که فزيکي قوت وي او که په نورو برخو کې قوت وي.

د پورته حديث څخه په استناد داسي ويلای شو چې په هره برخه کې قوي او تکړه مسلمان الله تعالی ته تر ضعيف او ناتوانه مسلمان غوره دی؛ که په زور کې قوت وي، که په علم کې قوت وي، که په اداره کې قوت وي، که په فکر کې قوت وي، که په تخنيک کې قوت وي او که په تکنالوژۍ کې قوت وي په هره برخه کې چې وي د مسلمان لپاره د الله تعالی ډېر خوښيږي.

د دې حديث څخه ځينو علماؤ د ځان باورۍ او اعتماد بالنفس موضوع هم استنباط کړېده؛ په دې معنی سره چې هغه مسلمان چې د زده کړي وروسته پر ځان باور ولري تر هغه مسلمان غوره دی چې په ځان باور نه لري او ضعيف وي.
المؤمن القوي خير وأحب إلى الله من المؤمن الضعيف، وفي كل خير، احرص على ما ينفعك، واستعن بالله ولا تعجز.(رواه مسلم)
مولوي نورالحق مظهري

هيڅوخت ځان مه بې کاره کوئ!

ژباړه: عبدالله بن مسعود رضي الله عنه وايي زما د هغه چا څخه بد راځي چې بې کاره وي، نه د دنيا کار کوي او نه د آخرت کار.

هدف د ده دا دی چې هيڅوخت بايد انسان داسي بې کاره نه وي چې په هيڅ کار باندي بوخت نه وي بلکې هميشه باید په يو شي مصروف وي، د فرائضو د آداء کولو وروسته چې کله د دنيا کار ته اړتيا پيدا کيږي خپل د دنيا کار وکړي، کله چې د دنيا په کار باندي بوختيا و نه لري بيا ځان د دين په کار باندي بوخت کړي.

البته د انسان لپاره ښه ترتيب دا دی چې فرائضو او جماعت ته هميشه ځان اوزګار کړي، په هر کار چې بوخت وي چې کله د فرض لمانځه او جماعت وخت را رسيږي بايد ځان ورته بې کاره کړي او خپل فرض آداء کړي.

خو په دې خاطر چې دنيوي کار هم د انسان ضرورت دی نو په هغه باندي هم ځان مصروف کولای سي خو داسي نه چې پر دنيوي کار به فرض پسې پريږدي.

که انسان د خپلو کارونو لپاره يو کاري مهالويش جوړ کړي او هر کار پر خپل وخت باندي وکړي نو هم به خپل دنيوي کارونه وکړي او هم به فرائض ورڅخه پاتي نسي.

د آخرت لپاره کار تنها لمونځ نه دی بلکې ډېر نور کارونه سته چې انسان يې د فراغت په وخت کې کولای سي لکه: ذکر، تلاوت، نفلي لمونځ، د تعليم او ذکر په حلقه کې کښېناستل، خلکو ته دعوت ورکول او داسي نور... د خپل وخت سره سم چې انسان د هر شي لپاره فراغت پيدا کوي هماغه دي وکړي او ځان دي سوچه بې کار نه پريږدي.

قَالَ ابْنُ مَسْعُودٍ:إِنِّي أَكْرَهُ أَنْ أَرَى الرَّجُلَ، فَارِغًا لا فِي عَمِلِ دُنْيَا وَلا آخِرَةٍ.[المعجم الکبير 8460]

مولوي نورالحق مظهري

من هم الإسرائيليون؟

۱- الإسرائيليون هم تلك الجماعة اليهودية المفتنة التي لعنت في الكتب السماوية الأربعة. 

۲- الإسرائيليون هم أولئك اليهود القدماء الذين اشتهروا بالمكر والخداع والكذب.

 ۳- الإسرائيليون هم أولئك اليهود التعساء الذين قتلوا ۳۰۰ نبيا في يوم واحد، وبلا مبالاة قتلوا الأنبياء صباحًا وتاجروا في الأسواق ظهرًا . 

۴ ـ الإسرائيليون هم أولئك اليهود المنافقون الذين من بداية الإسلام حاكوا أخطر المؤامرات ضد الأنظمة الإسلامية. 

۵- الإسرائيليون هم اليهود الكفار الذين لديهم تاريخ طويل في قتل الأنبياء وعبادة الطاغوت والتمرد والعصيان والكذب على الله ورسله وإفساد الأرض فلا يوجد وقت أو مكان إلا وقد مارسوا فيه شیطنتهم ونفاقهم. 

۶ - الإسرائيليون هم أولئك اليهود الحمقى الذين اتهموا نبيهم موسى عليه السلام اتهامات باطلة بأنه يخفي جسده وكأن لديه عيبًا. 

۷ - الإسرائيليون هم أولئك اليهود القساة والمكر الذين لم يقبلوا كلام النبي ولم يعملوا بالتوراة حتى رفع الله عليهم جبل الطور وأجبرهم على قبول.

۸ - الإسرائيليون هم أولئك اليهود الذير سى عليه السلام لن نؤمن لك حتى نرى بهرة بأعيننا. 

۹ - الإسرائيليون هم أولئك اليهود الضالون الذين كانوا يسخرون من كلام موسى عليه السلام ويستهزئون به. 

۱۰- الإسرائيليون هم أولئك اليهود المنحرفون الذين كانوا يحرفون التوراة ويكتبون بأيديهم ما يجعلونه جزءًا من التوراة. 

۱۱ - الإسرائيليون هم أولئك اليهود الحمقى الذين عبدوا العجل بعد ذهاب موسى عليه السلام.

۱۲ ـ الإسرائيليون هم أولئك اليهود العنيدون الذين نسبوا الفقر والبخل إلى الله تعالى. 

۱۳ ـ الإسرائيليون هم أولئك اليهود الذين مسخهم الله في زمن داود وعيسى عليهما السلام إلى قردة و خنازير.

۱۴ - الإسرائيليون هم أولئك اليهود الجبناء الذين قالوا لنبيهم اذهب أنت وربك فقاتلا إنا هاهنا قاعدون.

ورغم أن الإسرائيليين بهذه الفتنة والكفر والمكر إلا أن بعض الدول الإسلامية تقيم علاقات معهم ولا يدينون حربهم الظالمة ضد الفلسطينيين، بل الأسوأ من ذلك أن بعض الدول الإسلامية تدعمهم سياسيا وماليا.

يا للأسف على حال المسلمين الذين لا غيرة لهم!. النصارى الذين يعتبرون عيسى عليه السلام إلها أو ابن الله اتحدوا مع اليهود ضد الإسلام، رغم أن اليهود يفتخرون بقتل عيسى عليه السلام. ومع ذلك، المسلمون أصبحوا بلا شعور وبلا غيرة لدرجة أنهم تركوا إخوانهم المسلمين الفلسطينيين تحت ظلم اليهود ولا يقدمون لهم أي مساعدة.

مولوي نور الحق مظهري

‏غم شريکي:

د راپورونو له مخي د حماس مجاهدينو سياسي مشر او نظامي قومندان يحيی السنوار  د غاصبو اسرائيلو په بمبار کې شهيد شوی دی. انا لله وانا الیه راجعون. الله تعالی دي د نوموړي شهادت قبول کړي او ټولو غم ځپلو ته دي د زړه صبر او اجر ورکړي.

موږ هم د نور اسلامي امت ترڅنګ ځانونه په دې غم کې شريکان بولو او د يحيی سنوار شهادت ټولي اسلامي نړۍ ته لويه ضايعه ګڼو.

د اسلامي هيوادونو لپاره خو دا لازمه وه چې د داسي پيښو په وړاندي کې يې اسرائیلو ته ډېر تند غبرګون ښوولی وای خو داچي نن مسلمانان يووالی نه لري او پر يوه مسلمان رهبر نه دي سره راټول ځکه نو په هر ځای کې د ذلت او خوارۍ سره مخامخ دي.

مولوي نورالحق مظهري

د فکري جګړې فلسفه:

د فکري جګړې تاريخ ډېر اوږد او پېچلی دی چې د انسان د پيدايښ څخه پيليږي، فکري جګړه د بشر په تاريخ کې د يوه بنسټيز جنګ په صفت پېژندل کيږي چې د انسانانو په روان او فکر کې ژور نفوذ لري.

دا جګړه د آدم عليه السلام چې د حق نماينده وو او د ابليس عليه اللعنة چې د باطل نماينده وو تر منځ شوې ده؛ ابليس د انسان د لومړني دښمن په توګه د انسان پر ضد او د هغه د مغلوب کولو لپاره فکري جګړه غوره کړه چې آدم عليه السلام ته يې ځان نصيحت کوونکی او غمخوار معرفي کړ او د دې لپاره چې د آدم عليه السلام باور تر لاسه کړي هغه ته يې په الله تعالی باندي قسم واخيست تر څو خپلي مدعی ته مشروعيت ورکړي او په ذريعه يې آدم عليه السلام دوکه کړي او وسوسه ور واچوي.

د آدم عليه السلام د قيصې څخه چې په سورت الاعراف کې ذکر شوې ده له ورايه داسي ښکاري چې د  لومړي سره څخه شيطان د درواغو، فريب او شبهه اچوني په ذريعه د آدم عليه السلام د دوکه کولو کوښښ وکړ تر څو چې هغه کار په وکړي کوم چې الله تعالی ورڅخه منعه کړی او په نتيجه کې يې د الله تعالی د نعمتونو څخه محروم کړي.

د هماغه ورځي څخه بيا تر نن پوري چې کوم کسان د مسلمانانو پر ضد فکري جګړه پر مخ بيايي د همدغه طريقې څخه کار اخلي ځکه نو بايد زموږ مسلمانان د خپلو ټولو دښمنانو په وړاندي ډېر هوښيار وسي او ځانونه په فکري ځيرکتيا مسلح کړي.

الله تعالی رسول الله صلی الله عليه وسلم ته په خطاب کې فرمايي: فَلَا تُطِعِ الْكَافِرِينَ وَجَاهِدْهُمْ بِهِ جِهَادًا كَبِيرًا.(الفرقان:52) ژباړه: نو د کافرانو اطاعت مه کوه او د دې (قرآن) په وسيله له هغوی سره لويه مبارزه وکړه. دا آيت په داسي وخت کې نازل شوی دی چې مسلمانانو ته د قتال يا فزيکي جګړې اجازه نه وه شوې ځکه دا آيت مکي دی او په مکه مکرمه کې مسلمانانو ته د جنګ کولو اجازه نه وه، همدې ته په کتو سره مفسرينو دلته د جهاد معنی په دعوت باندي کړېده او دا چې جهاد په کبير يا لوی متصف شوی دی د دې ښکارندويي کوي چې د دعوت په برخه کې هم د مسلمانانو مسئوليت ډېر دروند وو ځکه مشرکينو د دوی پر ضد د هر ډول وسلې او هري ذريعې څخه استفاده کول؛ د اتهام، فريب او وسوسې څخه شروع بيا تر فزيکي چلند پوري ټوله يې د مسلمانانو پر ضد کارول چې طبعا په داسي شرايطو کې مبارزه ډېره سخته وي.

مسلمانان بايد د فکري جګړې په ارزښت ځانونه پوه کړي او په هراړخيز ډول آمادګي ورته ولري ځکه کفار د مسلمانانو د فکرونو د انحراف او ذهنونو د تسخير لپاره د هري ممکني لاري څخه کار اخلي او د دې لپاره چې مسلمانان ويښ او بيدار نشي هر غوراوي ته لاس اچوي.

مولوي نورالحق مظهري

د مثبتو فکرونو ډولونه:

مثبت فکرونه هغه ذهني حالتونه دي چې په شخص کې خوشبیني، هیله‌مندي او پیاوړتیا رامنځته کوي. د مثبتو فکرونو ډولونه په لاندې توګه دي:

۱ ـ خوشبین فکر:  خوشبین فکر لرونکی انسان په هر حالت کې د ښه پایلې تمه کوي، هغه په هر حرکت او هڅه کې فرصتونه ویني او باور لري چې ستونزې حل کېدونکي دي.

۲ ـ شکرګذار فکر: شکرگذار فکر انسان په ژوند کې د درلودونکو شیانو او برکتونو قدر کوي او په هر حالت کې يې شکر آداء کوي، دا فکرونه په شخص کې د خوشحالۍ او  قناعت احساس زیاتوي.

۳ ـ هیله‌مندفکر: هیله‌مند فکر لرونکی کس د راتلونکې په اړه مثبتي تمې لري او باور کوي چې زما په وړاندي ارومرو شرایط برابريږي،  هغه د خپلو هدفونو په لور کار کوي او ناهیلی کېږي نه.

۴ ـ په ځان‌باوري فکر:  دا ډول فکر  شخص ته دا احساس ورکوي چې تل د ستونزو په حلولو او موخو په تر لاسه کولو کې وړتیا لري،  په ځان‌باوري فکر د لاسته راوړنو په زیاتولو کې ډېر مهم دی.

۵ ـ انعطاف‌پذیر فکر: دا فکر انسان ته توان ورکوي چې د ستونزو په وخت کې له ناکامۍ څخه زده کړه وکړي او ژر بیرته عادي حالت ته راستون شي،  انعطاف‌پذیري د مثبت فکر یوه مهمه نښه ده.

۶ ـ مینه ناک او مهربان فکر: داسي فکر والا شخص له نورو سره د مرستې او شفقت احساس لري، د نورو خوشحالي او هوساینه د خپل ځان د خوشحالۍ یوه برخه ګڼي ځکه نو د هیچا سره د مرستي کولو څخه ځان نه کاږي.

۷ ـ خلاق فکر: دا ډول فکر انسان ته دا توان ورکوي چې له نوو لارو او په تخلیقي نظرونو سره ستونزې حل کړي، خلاقیت د مثبت فکر یوه نتیجه ده چې د نوښتونو او پرمختګونو لامل ګرځي او ورځ تر بلي نوي انکشافات کوي.

۸ ـ منل شوی فکر: دا فکرونه شخص ته دا درس ورکوي چې د هغو شیانو په وړاندي چې نشي بدلېدلی يا ظاهرا تغییر نه قبلوي خپل زغم له لاسه ورنکړي او ځان خپه نه کړي؛ دا ډول خلک په ژوند کې د واقعیتونو سره په سمه توګه چلند کوي.

۹ ـ موخه‌مند فکر: دا ډول فکر شخص ته د یو واضح او مشخص هدف په لور د تګ انګېزه ورکوي، داسې خلک تل په خپل ذهن کې یو پلان او ستراتیژي لري.

۱۰ ـ زده کړه ايز فکر: داسي فکروالا خلک په دې باور وي چې انسان تل وده کولی شي او زده کړه یې د پرمختګ اصلي ذريعه ده، دا ډول فکر په هر حالت کې د لا زده کړې او ودې فرصتونه لټوي.

مولوي نورالحق مظهري

حسد د پوهانو له نظره:

معاويه رضي الله عنه حاسد په هغو انسانانو کې شميري چې خوشحاله کول يې آسانه کار ندی او فرمايي:

كُلُّ النَّاسِ أَسْتَطِيعُ أَنْ أُرْضِيَهُ؛ إِلَّا حَاسِدَ نِعْمَةٍ؛ فَإِنَّهُ لَا يُرْضِيهِ إِلَّا زَوَالُهَا.[المجالسة وجواهرالعلم657]

ژباړه: ټوله خلک زه خوشحاله کولاي شم مګر هغه څوک چې د نعمت له کبله حسد راسره کوي؛ ځکه هغه بېله دې چې هغه نعمت زوال شي په بل شي نه خوشحاله کيږي.

حسن بصري رحمه الله حسد هغه اور بولي چې هيڅ نه مړ کيږي او فرمايي:

الحسد من أخلاق اللئام، وتركه من أفعال الكرام، ولكل حريق مطفئ، ونار الحسد لا تطفأ.(روضة العقلاء:134)

ژباړه: حسد د بدو خلکو د اخلاقو څخه دی، پرېښودل يې د نيکو خلکو د کارونو څخه دی او هر اور مړ کيږي خو اور د حسد نه مړ کيږي.

ابوالليث سمرقندي رحمه الله د حسد ځيني  هغه تاوانونه بيانوي چې د محسود څخه مخکې خپله حسد کوونکي انسان ته رسيږي او فرمايي:

يصل إلى الحاسد خمس عقوبات قبل أن يصل حسده إلى المحسود: أولاها: غم لا ينقطع. الثانية: مصيبة لا يؤجر عليها. الثالثة: مذمة لا يحمد عليها. الرابعة: سخط الرب. الخامسة: يغلق عنه باب التوفيق.(المستطرف في كل فن مستظرف للأبشيهي:221)

ژباړه: حسد کوونکي ته پنځه عذابونه رسيږي مخکې تر دې چې محسود ته ورسيږي: لومړی يې داسي غم دی چې نه قطع کيږي، دويم داسي مصيبت دی چې هيڅ مزدوري نه ورباندي ورکول کيږي، درېيم هغه بد دی چې ستاينه يې نه ورباندي کيږي، څلورم د الله تعالی قهر دی او پنځم د توفيق دروازه ورباندي تړل کيږي.

ابن ابجر د ځينو کتابونو په حواله حسد کوونکی د الله تعالی دښمن ګڼلی او فرمايي:

فِي بَعْضِ الْكُتُبِ: يَقُولُ اللهُ تَبَارَكَ وَتَعَالَى: الْحَاسِدُ عَدُوُّ نِعْمَتِي، مُتَسَخِّطٌ لِقَضَائِي، غَيْرُ رَاضٍ بَقَسْمِي بَيْنَ عِبَادِي.(المجالسة وجواهرالعلم658: 3/51)

ما په ځينو کتابونو کي ليدلي دي چې الله تعالی فرمايي: حسد کوونکی انسان زما د نعمت دښمن دی، زما فيصلې او قضاء ته په خښم دی او زما په بندګانو کې زما په تقسيم باندي خوشحال ندی.

ابن المعتز وايي:

الحاسد مغتاظ على من لا ذنب له، ويبخل بما لا يملكه، ويطلب ما لا يجده.(غرر الخصائص الواضحة للوطواط603) ژباړه: حسد کوونکی په هغه چا باندي په غوصه کيږي چې هيڅ ګناه يې نه وي کړې، په داسي څه باندي بخيلي کوي چې په خپله يې مالک نه دی او داسي څه غواړي چې هيڅ يې نشي موندلی.

مولوي نورالحق مظهري

زموږ لپاره توره ورځ او د دوی لپاره د پېغور ورځ:

ليکنه: مولوي نورالحق مظهري

د دې لپاره چې زموږ ګران هیواد د تل لپاره خپله مستعمره جوړه کړي، په اسلامي هیواد افغانستان کې د خلکو څخه اسلام وتښتوي او جوړ شوی اسلامي نظام ړنګ کړي امریکایانو د خپلو داخلي ګوډاګیانو څخه په استفاده د 2001 میلادي کال د اکتوبر پر 7 پر ګران هیواد افغانستان نظامي يرغل وکړ.
د یرغل د پیل څخه د امریکا د وخت ولس مشر جورج ډبلیو بوش خپله جګړه صلیبي وګڼله او په یو غونډه کې يې وویل: موږ به دغه مقدسه جګړه د ګټلو تر وخته کوو او د طالبانو ریښې به د افغانستان څخه ورکوو؛ نوموړي ټولي نړۍ ته اعلان وکړ چې یا به زما سره درېږئ یا به د تروریستانو سره درېږئ؛ داسي ښکارېدل چې بوش په خپل ظاهري قدرت ډېر مغرور وو او په خپلو طیارو، ټانګانو، موشکانو او وسلو ډېر نازېدی.
امریکایانو د ټولو بين المللي او عقلي اصولو پر خلاف زموږ پر هيواد داسي یرغليز هجوم راوړ  چې د يرغل په پيل کې يې د هيواد ډېری عام المنفعه ځايونه، ټول رادارونه، طيارې او چورلکي، لويي وسلې او هوايي ډګرونه بمبار کړه چې تقريبا ټول شيان يې له کاره و ايستل او د اسلامي امارت د مجاهدينو سره يې د څه مودې په جګړه کې زموږ ډېر بې ګناه افغانان شهيدان کړه.
کله چې د افغانانو لخوا د مرحوم اميرالمؤمنين ملا محمد عمر مجاهد رحمه الله په رهبرۍ د دوی پر ضد سپېڅلی جهاد پيل شو د هماغه ورځي څخه بيا د دوی تر ماتي پوري يې داسي ظلمونه وکړه چې په تاريخ کې يې ساری نه وو تېر شوی؛ پوره پوره کلي يې بمبار کړه، ودونه او جنازې يې بمبار کړې، بې ګناه خلک يې بمبار کړه او آن تر دې چې تر ټولو غټ د بمونو مور يې هم پر هيواد وکارول.
د مځکي پر مخ يې د خپلو لاسپوڅو په ملتيا پر مظلومو افغانانو باندي اور بل کړ، چاپې يې ووهلې، په زرهاوو کلي يې وران کړه او په لکهاوو مظلوم افغانان يې شهيدان، کونډي، يتيمان او ژوبل کړه او که جزئياتو ته ولاړ شو نو ويلای شو چې د هر افغان کور ته يې بې شمېره غمونه راوړه.
خو د وړاندوينو، اټکلنو، تخمين او عادت پر خلاف الله تعالی د دې فيصله کړېوه چې امريکايان به شرموي او د بل ويتنام تاريخ به د افغانانو په لاس را ژوندی کوي او د تل لپاره به امريکایانو ته ستر پېغور پاتيږي چې د لسګونو نورو هيوادونو د ملتيا سره سره يې د افغان مجاهدينو په لاس ماتي و خوړل او د مرحوم ملا محمد عمر مجاهد رحمه الله په وينا د ليست د سر څخه به و پای ته راغله او د ډېري نظامي، سياسي، فکري او فرهنګي مبارزې وروسته د افغانو سرتيرو مجاهدینو په وړاندي مات شول او ګران افغانستان د دوی د چټل او پليت نيواک څخه خلاص شو.
داسي ويلای شو چې د اکتبوبر 7 د افغانانو لپاره توره ورځ وه ځکه چې پر افغانانو د ډېرو کړاوونو پیل وو خو د امریکانو او ملګرو لپاره بيا داسي لوی پېغور شو چې په نړۍ کې يې نوم بد شو ځکه دوی چې کوم شی په افغانستان کې غوښتل نه تنها دا چې لاس ته يې را نه وړه  بلکې دوی چې د کوم نظام د تخريب لپاره راغلي وو الله تعالی بيرته هماغه نظام حاکم کړ او د دوی ټولي هڅي يې په اوبو لاهو کړې.
له بلې خوا هغو کسانو ته هم دا ورځ لوی پېغور دی چې د خپل دين، هيواد او خلکو سره په دښمنۍ کې يې امريکايانو ته ښه راغلاست ووايه، د خپلو مسلمانو وړونو پر ضد د هغوی سره په څنګ کې ودرېدل، هغوی ته به يې د ظلم او استبداد لپاره لاره پاکول او ځانونه يې په پوره توګه د هغوی غلامان جوړ کړي وه ځکه نن د سالم عقل په فيصله دوی هر څه له لاسه ورکړه؛ نه تنها دا چې 20 کاله يې د خپل دين، وطن او خلکو سره ستر خيانت وکړ بلکې امريکايان ورڅخه ولاړه او دوی يې پر وچ ميدان يواځي خوشي کړه چې د پوره انسانيت او بشريت په محکمه کې دا د انسان لپاره تر ټولو لوی ذلت او شرم دی.
مولوي نورالحق مظهري

ايران ډېر ښه کار وکړ:

ښه کار چې هر څوک وکړي موږ يې بايد قبول کړو ځکه نو ايران چې کوم کار کړی او پر اسرائيلو يې توغندي وارکړي دي ډېر ښه او د ستايني وړ کار يې کړی، الله تعالی دې توفيق ورکړي چې نور توغندي هم پر اسرائيلو وار کړي.

د اسرائيلو په وړاندي بايد ټول مسلمانان ودريږي او د دوی تر تباهۍ پوري د هغوی په وړاندي مبارزه وکړي ځکه نه تنها دا چې اسرائيل يو غير قانوني حکومت او کاذبه جغرافيا ده بلکې په دې وروستيو کې يې ډېر غرور او تکبر کړی؛ د غزې ښار يې له خاورو سره خاوري کړ، په زرهاوو بې ګناه مسلمانان يې ووژل، په ميليونونو انسانان يې د خپلي خاوري څخه بې کوره کړه او ډېر اسلامي هيوادونه يې د تهديد او خطر سره مخامخ کړه.

اوس داسي شرائط دې چې نه تنها دا چې موږ بايد د اسرائيلو په وړاندي ودريږو بلکې د اسرائيلو په مقابل کې د هر چا مبارزه او درېدل وستايو او د هر هغه چا سره مرسته وکړو چې په يوه نه بله طريقه د اسرائيلو مخي ته دريږي او د هغوی پر ضد جګړه کوي.

په منځني ختيځ کې اسرائيل د سرطان حيثيت لري تر څو دغه سرطاني غده له منځه ولاړه نشي په سيمه کې امنيت او آرامي په هيڅ صورت نشي راتللای او تر څو چې بيت المقدس مسلمانانو ته و نه سپارل شي تر هغې پوري جګړه نشي ختم کېدلای ځکه بيت المقدس او په فلسطين کې اسلامي دولت جوړېدل د مسلمانانو مسلم حق دی چې له بده مرغه نن اسرائيلو د امريکا او نورو غربي هيوادونو په مرسته دغه حق په زوره د مسلمانانو څخه اخيستی دی.

که مسلمانان سره راټول نشي او په يوه آواز د اسرائيلو په وړاندي و نه دريږي فلسطين به همداسي د اسرائيلو په لاس کې وي او د دوی فلسطيني مسلمانان وړونه او خويندي به د اسرائيلو تر ظلم لاندي شپې او ورځي تېروي او د بلي خوا به مسلمانان همداسي په ذلت او خوارۍ کې ژوند کوي.

مولوي نورالحق مظهري

د منفي فکرونو ډولونه:

۱ ـ منجمد فکر: هغه فکر دی چې د خپلي ټولني څخه ليري پر انزوايي او تفردي باورونو او سوچونو ولاړ وي البته خپله دا خبره نشي درک کولای بلکې د واقعيت پر خلاف ځان ورته جامع او ټول شمول ښکاري.

۲ ـ ساده فکر: هغه فکر دی چې هيڅ ثبات او ټينګښت نه لري بلکې د هر چا د خبري سره تغيير کوي، ساده فکر والا د تزلزل تر څنګ بې ځايه خوش باوره هم وي ځکه نو د هر چا سره د تأييدۍ سر ښوروي او داسي هم کيږي چې هم مهاله د يوه شي په اړه دوه متضاد باورونه ولري ځکه دی فکري خپلواکي نه لري، که چا ويل مثبت؛ دی هم وايي مثبت. او که چا ويل منفي؛ دی هم وايي منفي.

۳ ـ سوټه فکر: هغه فکر ته وايي چې تر مثبت يې منفي ته تمايل ډېر وي د بېلګي په ډول د يوه شخص په اړه دوه نفره د ښه او بد خبره ورته کوي سره د دې چې اصل په مسلمانانو کې ښه دی سوټه فکر والا د بد خبره مني که څه هم بې دليله وي او يا ښه خبره والا پر خپلي خبري ډېر دلائل ولري.

سوټه فکر والا په منفي ګرايۍ کې انتهاء ته رسېدلی وي ځکه نو د ښې خبري په منلو کې تزلزل لري خو د بدي خبري منلو ته بيا سل په سلو کې تيار وي.

۴ ـ سرټمبه فکر: هغه فکر ته وايي چې خپل پر باور ډېر ټينګ وي که څه هم فاسد باور وي.

په سرټمبه فکر والا کې د انفعال يا تأثر ماده ډېره کمه وي البته په نسبي ډول د مثبت په نسبت د منفي څخه ډېر ژر متأثر کيږي.

سرټمبه فکر والا چې خپله خبره ټينګه کړه که څه هم باطله خبره وي د هيچا سره قناعت نه کوي او د خپلي خبري څخه ګرسره نه اوړي.

۵ ـ کوټه فکر: هغه فکر ته وايي چې په درک کې ډېر ضعيف وي البته ضعف يې فطرتي يا مادرزادي نه وي بلکې د ټمبلۍ او بې غورۍ له کبله وي.

کوټه فکر والا د ځان په روزنه او شيانو په زده کولو کې هيڅ کوښښ نه کوي او هر شی تر سر تېروي ځکه چې ده په فکر کولو کې د تمرکز، دقت او غور څخه ځان محروم کړی وي.

۶ ـ خوار فکر: هغه فکر دی چې د عمر د ډېروالي او يا ځينو ناروغيو له وجهي ضعيف شوی وي او د ډېر دماغي انحطاط له کبله په الزايمر يا نسيان باندي اخته شوی وي.

خوار فکر والا حافظه نه لري او شيان يې ډېر ژر هېريږي.

خوار فکري ناروغي ده ځکه نو د خوار فکر والا کس سره مرسته وکړئ او معذور يې وګڼئ.

ليکنه: مولوي نورالحق مظهري