څوک چي علم د رياست لپاره کاروي:

ژباړه: ثوري رحمه الله فرمايلي دي: څوک چي په علم باندي رياست و غواړي نو ډېر علم به له لاسه ورکړي.
يعني څوک چي خپل علم د رياست تر لاسه کولو لپاره کاروي او کوښښ کوي چي په علم تر مشرۍ پوري ځان ورسوي هغه انسان به ډېر علم له لاسه ورکړي.
تجربې دا ښودلېده چي څوک د مشرۍ او رياست لپاره علم ته شا کړي ارومرو يې د علم آزار وهي او ددې تر څنګ چي علم به يې له لاسه وځي پر علمي شخصيت به يې هم ډېره بده اغيزه کوي؛ البته که د مسلمانانو د امير لخوا کوم عالم ته داسي مسئوليت سپارل کيږي چي په کولو يې علمي خدمت ځيني پاتيږي هغه ددې خبري څخه استثناء دی ځکه چي دلته د امير لخوا د امر او اطاعت خبره ده د وظيفې د غوښتلو خبره نسته.
قَالَ الثَّوْرِيُّ : مَنْ طَلَبَ الرِّئَاسَةَ بِالْعِلْمِ ؛ فَاتَهُ عِلْمٌ كَثِيرٌ.[المجالسة وجواهرالعلم1830]
مولوي نورالحق مظهري