د ظالم زړه ته غشئ او د مظلوم زړه ته مرهم:

د امام شافعي رحمه الله څخه پوښتنه وسوه چي په قرآن کي هغه کوم آيت دئ چي د ظالم زړه ته غشئ دئ او د مظلوم زړه ته مرهم دئ؟ امام شافعي رحمه الله وفرمايل: دا آيت دئ: وَمَا كَانَ رَبُّكَ نَسِيًّا.[سورة مريم 64] ژباړه: ستا رب هيرجن ندئ.
يعني هيڅ شئ د الله پاک نه هيريږي، د ټولو انسانانو ټوله اعمال څاري د ظالم ظلم او د مظلوم مظلوميت د نژدې څخه ويني ظالم ته به دده د ظلم مجازات ارو مرو ورکوي او مظلوم ته به دده پر مظلوميت باندي ثواب او لوړه مرتبه ارو مرو ورکوي.
ټوله ظالمان بايد پدې باندي پوه سي چي هيڅ وخت به د الله پاک د محاسبې څخه خلاص نسي او مظلوم دي هم د الله پاک د درباره نه نا اميده کيږي ارومرو يې الله پاک انتقام د ظالمانو څخه اخلي.
مولوی نورالحق مظهری