د روژې میاشتي برکتونه:شپږویشتم برکت:

بل برکت ددې مبارکي میاشتي دا دی چي په دې میاشتي کي الله پاک عمرې كولو ته ډېر ثواب ورکړی دی آن تر دې چي هغه یې په ثواب کي د حج سره برابر بللې ده لکه په حدیث کي چي راځي: عَنْ وَهْبِ بْنِ خَنْبَشٍ ، قَالَ : قَالَ رَسُولُ اللهِ صَلَّى الله عَليْهِ وسَلَّمَ : عُمْرَةٌ فِي رَمَضَانَ ، تَعْدِلُ حَجَّةً.[سنن ابن ماجه ۲۹۹۱]
ژباړه:  وهب بن خنبش وایي: رسول الله صلی الله علیه وسلم وفرمایل: د روژې په میاشتي کي عمره کول د حج سره برابره ده.
علماؤ لیکلي دي: عمره خو د حج ځای ته نسي رسېدلای نو ځکه دلته هدف بیان د ډېروالي د ثواب دی نسبت ونورو وختونو ته یعني کوم ثواب چي عمره یې د روژې په میاشتي کي لري بل وخت یې نه لري، ‌ددې داسي مثال دی لکه رسول الله صلی الله علیه وسلم چي فرمایلي دي: څوک چي یو ځل سورت اخلاص ولولي داسي کیږي لکه ده چي درېیمه حصه د قرآن لوستلې وي.
دوام لري...
مولوي نورالحق مظهري