بل برکت ددې مياشتي دا دی چي ددې مياشتي د روژې په نيولو باندي د انسان لپاره ددې مياشتي څخه مخکي د ټول عمر ګناهونه ور بخښل کيږي لکه په حديث کي چي راځي: من صام رمضان إيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ. [متفق عليه] ژباړه: څوک د روژې مياشتي روژه په ايماندارۍ او طلب د ثواب ونيسي ټول هغه ګناهونه به ورته وبخښل سي چي ده مخکي کړيدي.
دا ډېر عظیم او لوی برکت دی چي الله پاک د روژاتي په نصیب کړی دی، ددې عظیم برکت د لاسته راوړلو لپاره باید موږ د روژې په نیولو کي خپل نیتونه صفا کړو او تنها د الله پاک د رضایت لپاره روژه ونیسو.
كه دلته د ګناهونو څخه کوچني ګناهونه مراد هم سي بيا هم روژه د انسان لپاره ډېر لوی فرصت دی چي هيڅ وخت يې بايد له لاسه ورنکړي ځکه انسان د هر ډول ګناه څخه د ځان پاک کولو ته اړتيا لري.
دوام لري...
مولوي نورالحق مظهري
هیچ نظری موجود نیست:
ارسال یک نظر